بوذا حاشته جلطه

الزمان : 2070

.

.

المكان : شرق آسيا

.

.

.

استيقظ صباحا بو عبدالله بعد ان صلى وشرب الشاى الاخضر اخذ عدة العمل (دلو ) ومجموعة من المناشف وصابون لولو بدأ بغسل السياره وينظفها الى ان حضر (المعزب) او الكفيل (شنغهاي) : ياحمار مناشف العجلات لوحدها ومناشف الزجاج لوحدها

بوعبدالله : آسف عمي والله نسيت سامحنى

شنغهاى الله يلعنكم صج أبتلشنا فيكم ناس ماتفهم بس نبي نكسب فيكم أجر مع ان الاجر فيكم حراااااام ؟؟؟

بوعبدالله : أشدعوه عمي ادري من ورا قلبك انت الخير والبركه

طال عمرك تتوقع الاستجواب اللى قدمه عضو مجلس الشعب الفلته الخطير (شنغو)يسوى شغل وينجح

شنغهاي : والله الوضع يخوف, والله متابع الساحه السياسيه منت هين يابوعبدالله خل السياسه لاهلها واهتم بالسياره

.

.

.

ذهب بوعبدالله الى الملهى الليلى اليوم اللقاء الشهري للجاليه الخليجيه رجال ونساء

.

.

.

بوعبدالله :مساكم الله بالخير ياجماعه السر عندكم بالامان ترى الاستجواب راح ينجح والحكومه تقدم استقالتها

بوفهد : ايه معزبك واصل يابوعبدالله أكيد قايلك انا سمعت ان رئيس الحكومه عنده ولد غير شرعي وعلشان جذي راح يقدم استقالته

بوراشد:الله لايبلانا الديره هذي رايحه فيها

لالالالا الحكومه تبي تقدم استقالتها علشان رئيس الحكومه عنده عشيقه من مذهب ثاني ويمكن ماخذها عرفي

.

.

بوعبدالله : أشفيج ياموضي ساكته عسى ماشر بسج ذبحك الخمر والتكييله

موضي: خلني يابوعبدالله ابي انسى البلديه طاحو علي واخذو كل البسطه عبي وملافع وبراقع ودراريع وانا الحين عايشه على شغل الاضافي

بوعبدالله : لا عزالله مو بشاره انا عندي واسطه بالبلديه لا تخافين بس شنو شغلك الاضافي عسى مو متعب

موضي : والله من بعد الساعه تسعه مساء أشتغل أسترب تيز بالملهى بس مشيت كلمتي عليهم غصب مو طيب

بوعبدالله : أشلون

موضى : أسوى العرض وانا لبسه البرقع تعرف لازم نحافظ على توراثنا وماننسلخ من عاداتنا وتقاليدنا

بوعبدالله : كفو والله بس عسى ماحد يتحرش فيج

موضي : لا مساكين عيونهم صغيره مايشوفوني انحاش بسرعه

بوعبدالله : ياجماعه الوضع السياسي تعبان وانا متأكد ان .........؟

.

.

.

وفجأه يمسمعون صوت غريب صادر من البـــــــــوذا؟؟؟

البوذا تكلم لم يستحمل ملاغة ربعنا

بوذا: انا صارلي مليون سنه ساكت وماتكلم بس خلاص مااستحمل كذبكم واشاعاتكم على ديرتي انتم من جيتونا من ديرتكم بالخليج بعد ماحشكم النووى واعضاء مجلس الامه اسرقو خيرات البلد ونحاشو وضيعتو بلادكم فى الاشاعات والكره جيتونا ورزيناكم فى بلادنا اللى موعاجبتكم

الله ياخذكم علمتو عيالنا الواسطات واللعب على القوانين

علمتو عيالنا ياخذون طبيات بعد ماكانو ياكلون الشغل اكل

علمتو بناتنا على المحاكم والطلاق

علمتو المراهقين على الفراره بالشوارع والقز بعد ماكانت هوايتهم الاختراعات

علمتو الرجال المتزوجين على الدوانيات ولعبة الكوت والهند

علمتو الحريم ياكلون عيوش الساعه ست الصبح

علمتو الرجال يتزوجون على زوجاتهم اكثر من وحده

الله لايبارك فيكم

تعالي ياموضي الفقر انتي يعني صايره السكس الليدي شافيه كرشج انتي اول علشان تسوين سترب تيز

وانت يابوعبدالله النحس قبل لاتغسل السيارات غسل التاير المعفن اللى فمخك

وانت يابوفهد مدرى ابوالهول كل ماشفت واحد من شرق آسا غسلت مخه انه يتزوج على زوجته انت مال أخقك بشماغك ولا مال السبك فيه على خشمك اللى جنه منقار

وانت يابوراشد نسيت ماضيك الاسود

بوراشد صيفي ولا شتوى

بورشد الدائر الخامس ولا شارع الحب

بوراشد ديرتنا رايحه فيها ليش قاعد فيها اذلف ارجع ديرتك

انت هذا حدك صيفي ولا شتوى

يامجموعة الفقر ياجاليه الاشاعات اطلعوا برا برا برا

وان سمعت واحد فيكم يتحجا بالسياسه اقطع العقال على ظهر

.

.

.

وبعد شهر من كلام البوذا

.

.

جائو مجموعه من البوذا الصغار مع بوعبدالله وربعه لمقابلة البوذا الكبير اللى نطق ودار

هذا الحوار

.

.

البوذا الكبير : عسى ماشر شنو فيه

مجموعه من البوذا الصغار :لا ماشر ياطول العمر بس جايين نتوسط حق بوعبدالله وربعه تخليهم يتكلمون بالسياسه

وفجأه سقط البوذا الكبير على الارض وتم نقله على وجه السرعه الى المستشفى ليخبرهم الطبيب عن تعرضه لجلطه دماغيه حاده وجاء بوعبدالله وربعه لتقديم الواجب

بوعبدالله : سلامات سلامات ماتشوف شر يابو بويذي هههه ندلعك ياطول العمر لاتخاف ياطويل العمر انا سويتلك كتاب وعطيته العضو علشان تسافر وتتعالج برا

.

.

.

لم يستحمل البوذا الكبير تفشي الواسطات والانحلال السياسي فى بلاده شرق أسيا فمات من الحسره مو من الجلطه