qalm-jaf

Wednesday, March 22, 2006

النوم دواء لكل داء

كلما فتحت هذه الصفحه البيضاء اتراجع بهدوء واغلقها اشعر بعدم الرغبه للكتابه وان جميع افكارى لاتستحق التدوين ولاالقراءه تختلط افكارى مع بعضها وتسفه كل منها الاخرى وتقلل من شئنها الى ان قررت ان اكتب عن (النوم) اشعر ان النوم شيء جميل يصعب على تفسيره ربما يكون النوم الانقطاع عن العالم الخلوه مع النفس او الهروب الكبير من مشاكلنا ؟؟؟
نهرب من مشكله عاطفيه حزينه الى نوم طويل لكي نتوقف عن التفكير فى المشكله ؟ نهرب من الحزن الشديد ولايوجد افضل من النوم العميق
.
.
.
لا اعلم لماذا اصبح النوم بوابه الى عالم النسيان والتوقف عن التفكير والغاء المشاكل بعضا من الوقت ومع هذه الايجابيات للنوم الا اني اشعر بعدم الراحه وبرغبه بعدم النوم اطول وقت كلما دخلت حجرتي المخصص للنوم فقط حجرتي المبعثره واللتى لم تتغير منذ وقت ليس بالقصير تجتاحنى رغبه بتغير كل شيء فيها
.
.
.
ربما يساعدني هذا الى الشعور بالراحه والنوم العميق والانقطاع عن العالم الخارجى اطول فتره ممكنه؟
.
.
.
منذ ايام وانا اسمع قبل ان انام الى هذا
.
.
.
.
.
.
هل نحن نهرب من مشاكلنا وهمومنا الى النوم؟؟؟؟؟

12 Comments:

  • مو صحيح ابدا مو صحيح

    و بمعنى ثاني عمره هذا ما كان حل

    راجعلك .. الحين مواعد واحد عازمني على
    الغدا

    مو أنت؟
    :p

    By Blogger طائر بلا وطن, at 3:12 AM  

  • أخي الحبيب

    الهروب من المشاكل و عدم المواجهه

    بالنوم أمر هين

    السبب هو نسيان المشكله لذا يلجا الضعاف للمخدرت و المسكرات و العياذ بالله

    فالنوم شئ بسيط و أهون من غيره

    مشكور غالي على طرح هذا الموضوع الجميل

    أخوك توماس كراون

    By Blogger توماس كراون, at 10:01 AM  

  • والله أنا عندي النو تعديل مزاج

    بعد كل زعلة لازم أصكها نوما 3 ساعات بالظهر و أرد أنام إمبجر بعد لييه الصبح


    وااااااااااااااي فقدته يوم تزوجت

    و فقدتة أكثر بعد لعيال

    إمجابلة البلوج هالحزة و السبة الحرارة

    الله يهني إللي باله مرتاح و ينام

    By Blogger Яeema, at 4:21 PM  

  • بالعكس والله
    من قال ان الزعلان ينام

    الساعه الحين خمس ..عجزت انام وانا زعلانه

    By Blogger ii, at 6:08 PM  

  • النوم زين بس لايزيد عن حده

    سعولة
    ومن قال انك زي الناس العاديين؟
    اصلا شوفي شوشتك الطايرة وبشرتك الككاوية وانتي تعرفين

    By Blogger Lord Bin Sleet, at 1:14 PM  

  • لورد:

    متى احضر مناقشتك بالدكتوراه؟
    لاني متأكده انك اخذت الماستر بالقسم اللي قلت لك عنه

    By Blogger ii, at 2:25 PM  

  • بعض الاحيان اي والله اهرب الى النوم

    وبعض الاحيان من التعب والارهاق ما اييني نوم والله ذاك اليوم نمت بالسياره وانا اسوق كان يوم الثلاثه اللي طاف تخيل اني طالعه من البيت مو متريقه وعندي الف شغله وشغله الىىىىىىىى موجب ملجة احد الاقرباء يعني طلعت من البيت سبع ونص وصلت البيت الساعه ثنعش ونص اي اكثر من 12 ساعه متواصله وشي ورى شي وتخيل تخيل اني ما قدرت انام ؟؟؟!!!!من الارهاق

    وبعض الاحيان اهرب من مشاكلي بالنوم وخصوصا اذا مشاكل عاطفيه
    انام ...وانام وانام
    مره من التعب كتبت خاطره بالفصحى مادري وينها الحين
    لكن اللي اذكرها اني كنت اغازل













    فراشي ...
    اول شطر فيها

    أين انت يا فراش
    متهالكه
    متعبه
    تحتضنني بحضن لا يمل مني
    اين انت يا فراش
    اترامى بين وساداتك المبعثره
    تنتظرني
    بفراغ الصبر تنتظرني
    ولا تبرح الدار
    اين انت يا فراش
    ههههههههههه والله فراغه

    By Blogger 3ateeja, at 3:52 PM  

  • ايـــــــــــــــــــــــه

    بس يا بحر

    النوم هروب من الواقع .. متى ؟

    طبعا اذا كان الواقع مو عاجبني

    توني بديت افسر حالة التقديس

    للنوم اللي ياتني من الكورس اللي طاف

    لدرجة اني اغيب اسبوع اثنين عادي

    عرفت انه في شي مو عاجبني بجزئية بسيطة

    من حياتي

    راحت هالسلبية .. و لي اليوم انووم عمري غصب .. حتى لو مافيني نومة !!


    طبعا انا احس مو ازعل و انام

    لا .. هذي اطير النعاس حتى

    اما التراكمات و التعب النفسي

    اللي يوصل الى حد الرمادية

    يعني ما تدري شنو منو ليش ؟

    اييي اهني .. اذا كنت مثلي يفكر وااايد و يبي يحلل كل شي

    تنام .. و تنام

    و داخليا .. ترفض حقيقة هروبك

    عسى ما طولت

    ;D

    wallah i enjoied reading ur posts

    nice stuff ..


    sleep tight ;Pp

    By Blogger Nora, at 2:38 PM  

  • يقولون اخوانا البدو (اذا زادت همومك نم عنها) يعني نام عنها و تنسى احسن شي نومة و المكيف على ابرد شي

    By Blogger Diver, at 11:14 PM  

  • By Anonymous Anonymous, at 4:08 AM  

  • ما شاء الله .تقبل الله منكم حجكم .وعجبتني الكيوي !! يعني الواحد لازم يهتم بعبادته مو بأكله وشربه ! .وكل حاج لازم يستغل كل دقيقة هونيك فرضة ودعوة من الله عز وجل .شكرا لك على هذه المشاهد وعلى الصور الجميلة .بالتوفيق ..

    By Anonymous Anonymous, at 4:36 PM  

  • وانا كله راقده الحين عرفت ليش

    By Anonymous Anonymous, at 6:29 AM  

Post a Comment

<< Home