اشهد ان لا اله الا الله واشهد ان محمد رسول الله
السلام عليكم ورحمة الله وبركاته
قرأة موضوع عند الاخت بحرينيه
عن المرور والسيارات وتذكرت حادث سياره صار لي تقريبا سنة 99م
عندما كنت فى المعهد واتذكر جيدا قبل الحادث بيوم كنت سهران فى الدوانيه مع اخوى
الكبير وصديقه النصاب الذى يملك من الالقاب الشريره مثل
ابن دلعس وقرن وسعره الجنيه
وكل لقب له قصه طويله ؛
بعد سهره طويله فى الدوانيه معهم اتذكر جيدا رائحة دخان السجاير وهدوء الليل وسكونه
راحت على نومه فى الدوانيه ومادريت الا وأمى تقعدنى الساعه 9 صباحا
قمت بسرعه واخذت شور ورحت بسيارتي السكراب (كريسيدا)اللى ما فيها شى صالح حتى توايرها مسحكه مشيت بسارتى بسرعة
تقريبا دايس 120
بس فى هذه السرعه تشعر وكأنك دايس 200
من كثر القرقعه فى السياره والاصوات الغريبه اللى تسمعها
شغلت اغنيت ميامى ولا اتذكر اى اغنيه يمكن اغنيةالحمدالله وشفناكم
بس اللى اتذكره كانت اغنيه نقازيه وتشيش كنت مطول على الاغنيه على الاخر وماسك الحاره الوسطيه فى الدائر الخامس
كانت هناك شاحنه صغيره نسميها وزه نامت على وصارت امامى وانا كنت مستعجل على طول حذفت الى الحاره اليسار ومادريت الا فى سياره خلفى دعمت السياره اللى خلفى عن طريق آخر جزء من مؤخرت سيارتى فى الجانب الاسير منها دعمت اول جزء من السيارة اللى خلفى من الجهة اليمين له
حسيت ان الدعمه خفيفه بس السياره سكراب حسيت ان السياره قاعده تروح يمي ويسار شويه
ابى اكحلها عميتها بسبب غبائى مسكت بريك قوى اى الفرامل
وافترت السياره وفقدت السيطره عليها لفت السياره جهت اليمين بسرعه 120
واذا بمؤخرت الشاحنه بوجهى ولكن الحمدالله الله ستر راحت الشاحنه كان بينى وبينها شعره مثل مايقولون
ولكنى ما زلت امشى بطريق خطأ
فى الشارع واذا امامى سيارة جمس بيضاء اللون
طالع من طريق فرعى وتحديدا
من منطقة خيطان ودخل الدائر الخامس صاب الجمس
وانا كنت ماسك السكان بيدي الثنتين بكل قوه وقدمى بكل قوه على الفرامل وانا اقول وبصوت اعلى من اغنية ميامى واعلى من صوت الفرامل المرعب
أشهد ان لا اله الا الله
واشهد ان محمد رسول الله
كررت الشهاده اكثرمن مره
الى ان دعمت صاحب الجمس المسكين من جهة التاير الامامى الايسر لسيارته
وبعدها افترت فينى السياره الى الشبك اللى جنب الشارع وانا اكرر
اشهد ان لا اله الا الله
وان محمد رسول الله
فتوقفت السياره بمسافه قريبه وطفت السياره
ولكن المضحك فى الامر ان المسجل ما طفت واغنية ميامى تلعلع بصوتها
من القهر والخرعه عطيت المسجل بوكس وطفت
نزلت بسرعه ورحت ركض حق راعى الجمس وقلتله فيك شى
قالى لا مافينى شى
قلت الحمدالله
ورحت سألت صاحب السياره( لنسر) اللى وراى والحمدالله مافيه شى
اللى غثنى بعد الحادث تجمهر الناس واسألتهم اللى مالها فايده كم دايس ووو
بس فى ناس جزاهم الله خير يبون يدقون على الاسعاف
قلت لهم لا
قالى واحد يمكن فيك نزيف داخلى وانت ما تدرى قلت ما فينى الا العافيه
شوف صاحب الجمس او السياره الثانيه
الحمدالله كلهم بخير
وصلت الدوريه واخذ الشرطى بطاقاتنا كلنا والرخصه والدفترالسياره
واشوف الشرطى بعد ما قرأ بطاقة صاحب الجمس الا يعطيه تحيه عسكريه محترمه
قلت رحنا فيها
(:
قالنا الشرطى بعد العصر تجون عند مخفر خيطان عند المحقق
الساعه الان وقت الحادث تقريبا 10 صباحا
تبرع واحد من الموجودين ان يودى صاحب الجمس بيتهم يمكن بعد ما عرف انه رتبه فى الداخليه وانا محد يبى يوصلنى
):
بس الشرطى عجيب قال حق صاحب اللنسر المصرى وصل الاخ معاك
قال المصرى حاضر يافندم
وبعد يوم دراسى كئيب رحت مع اخوى الكبير وصديقه لانهم شرطه
ومن منتسبى وزارة الداخليه حق مخفر خيطان
يعنى واسطه
اكتشفنا ان صاحب الجمس مقدم فى الداخليه
انتهى التحقيق وطلعت انا الغلطان
(:
والحمدالله مثل ما يقولون
في الحديد ولا فى العزيز
والله يعز الحكومه والتامين عوض
بس دفعت غرامه 50 دينار للمرور
ويمكن حق عام
وبعدها امشى ميه وطق اشاره اذا بلف وصرت محترم جدا فى القياده
بس ليش كل ما قلت السالفه حق الربع وقلت لهم انى قلت الشهاده او تشهدت يضحكون على
(:
مع تمنياتى لكم جميعا السلامه والله يكفيكم شر الحوادث
الوالده قامت تزن على الوالد الا تشوف السياره بعد الحادث
بعد ماشافتها بكت يمكن من الفرحه انى بخير
اهداء الى الوالده اسمعوها
قرأة موضوع عند الاخت بحرينيه
عن المرور والسيارات وتذكرت حادث سياره صار لي تقريبا سنة 99م
عندما كنت فى المعهد واتذكر جيدا قبل الحادث بيوم كنت سهران فى الدوانيه مع اخوى
الكبير وصديقه النصاب الذى يملك من الالقاب الشريره مثل
ابن دلعس وقرن وسعره الجنيه
وكل لقب له قصه طويله ؛
بعد سهره طويله فى الدوانيه معهم اتذكر جيدا رائحة دخان السجاير وهدوء الليل وسكونه
راحت على نومه فى الدوانيه ومادريت الا وأمى تقعدنى الساعه 9 صباحا
قمت بسرعه واخذت شور ورحت بسيارتي السكراب (كريسيدا)اللى ما فيها شى صالح حتى توايرها مسحكه مشيت بسارتى بسرعة
تقريبا دايس 120
بس فى هذه السرعه تشعر وكأنك دايس 200
من كثر القرقعه فى السياره والاصوات الغريبه اللى تسمعها
شغلت اغنيت ميامى ولا اتذكر اى اغنيه يمكن اغنيةالحمدالله وشفناكم
بس اللى اتذكره كانت اغنيه نقازيه وتشيش كنت مطول على الاغنيه على الاخر وماسك الحاره الوسطيه فى الدائر الخامس
كانت هناك شاحنه صغيره نسميها وزه نامت على وصارت امامى وانا كنت مستعجل على طول حذفت الى الحاره اليسار ومادريت الا فى سياره خلفى دعمت السياره اللى خلفى عن طريق آخر جزء من مؤخرت سيارتى فى الجانب الاسير منها دعمت اول جزء من السيارة اللى خلفى من الجهة اليمين له
حسيت ان الدعمه خفيفه بس السياره سكراب حسيت ان السياره قاعده تروح يمي ويسار شويه
ابى اكحلها عميتها بسبب غبائى مسكت بريك قوى اى الفرامل
وافترت السياره وفقدت السيطره عليها لفت السياره جهت اليمين بسرعه 120
واذا بمؤخرت الشاحنه بوجهى ولكن الحمدالله الله ستر راحت الشاحنه كان بينى وبينها شعره مثل مايقولون
ولكنى ما زلت امشى بطريق خطأ
فى الشارع واذا امامى سيارة جمس بيضاء اللون
طالع من طريق فرعى وتحديدا
من منطقة خيطان ودخل الدائر الخامس صاب الجمس
وانا كنت ماسك السكان بيدي الثنتين بكل قوه وقدمى بكل قوه على الفرامل وانا اقول وبصوت اعلى من اغنية ميامى واعلى من صوت الفرامل المرعب
أشهد ان لا اله الا الله
واشهد ان محمد رسول الله
كررت الشهاده اكثرمن مره
الى ان دعمت صاحب الجمس المسكين من جهة التاير الامامى الايسر لسيارته
وبعدها افترت فينى السياره الى الشبك اللى جنب الشارع وانا اكرر
اشهد ان لا اله الا الله
وان محمد رسول الله
فتوقفت السياره بمسافه قريبه وطفت السياره
ولكن المضحك فى الامر ان المسجل ما طفت واغنية ميامى تلعلع بصوتها
من القهر والخرعه عطيت المسجل بوكس وطفت
نزلت بسرعه ورحت ركض حق راعى الجمس وقلتله فيك شى
قالى لا مافينى شى
قلت الحمدالله
ورحت سألت صاحب السياره( لنسر) اللى وراى والحمدالله مافيه شى
اللى غثنى بعد الحادث تجمهر الناس واسألتهم اللى مالها فايده كم دايس ووو
بس فى ناس جزاهم الله خير يبون يدقون على الاسعاف
قلت لهم لا
قالى واحد يمكن فيك نزيف داخلى وانت ما تدرى قلت ما فينى الا العافيه
شوف صاحب الجمس او السياره الثانيه
الحمدالله كلهم بخير
وصلت الدوريه واخذ الشرطى بطاقاتنا كلنا والرخصه والدفترالسياره
واشوف الشرطى بعد ما قرأ بطاقة صاحب الجمس الا يعطيه تحيه عسكريه محترمه
قلت رحنا فيها
(:
قالنا الشرطى بعد العصر تجون عند مخفر خيطان عند المحقق
الساعه الان وقت الحادث تقريبا 10 صباحا
تبرع واحد من الموجودين ان يودى صاحب الجمس بيتهم يمكن بعد ما عرف انه رتبه فى الداخليه وانا محد يبى يوصلنى
):
بس الشرطى عجيب قال حق صاحب اللنسر المصرى وصل الاخ معاك
قال المصرى حاضر يافندم
وبعد يوم دراسى كئيب رحت مع اخوى الكبير وصديقه لانهم شرطه
ومن منتسبى وزارة الداخليه حق مخفر خيطان
يعنى واسطه
اكتشفنا ان صاحب الجمس مقدم فى الداخليه
انتهى التحقيق وطلعت انا الغلطان
(:
والحمدالله مثل ما يقولون
في الحديد ولا فى العزيز
والله يعز الحكومه والتامين عوض
بس دفعت غرامه 50 دينار للمرور
ويمكن حق عام
وبعدها امشى ميه وطق اشاره اذا بلف وصرت محترم جدا فى القياده
بس ليش كل ما قلت السالفه حق الربع وقلت لهم انى قلت الشهاده او تشهدت يضحكون على
(:
مع تمنياتى لكم جميعا السلامه والله يكفيكم شر الحوادث
الوالده قامت تزن على الوالد الا تشوف السياره بعد الحادث
بعد ماشافتها بكت يمكن من الفرحه انى بخير
اهداء الى الوالده اسمعوها
16 Comments:
الحمد لله على السلامه
تبي الصراحه زين تشهدت و انت معلي المسجل
صراحه انا ما اعرف هلشباب وش يبون اذا رفعوا صوت المسجل
امهم الحمد لله كلها في الحديد
By @z3nF, at 9:24 PM
az3naf
الله يسلمك من كل شر
صوت المسجل العالى نحبه مثل ماتحب البنت ترقص بالعرس مثل المجنونه او المقروصه
(:
اقول
نوره ليش مسكره البلوق حقها
عسى ما شر
):
By qalm-jaf, at 9:34 PM
هذاك قلتها نرقص بالعروس
مهب بالشارع
ههههههه اخاف الحين نتهاوش
المهم نوره قالت لي لا تعلمين قلم جاف
By @z3nF, at 9:39 PM
@z3naf
اكيد ماراح نتهاوش
(:
نوره قالتلج
على راحتكم
بس
اينما ذهبت فهيا اخت عزيزه علينا جميعا
(:
By qalm-jaf, at 10:07 PM
الحمدلله على سلامتك
بس خفت لما قريت سالفه المسجل
يعني الواحد يموت وهو على معصيه الله يرحمنا برحمته
وهذي السرعه
اشوا اني ما اسوق
:)
اقول قلم جاف وشلون مثل المقروصه؟؟
شكلك عندك خبره ودخال عرس حريم قبل
وترا هذي زعنفه ما قلت لها شي والله
By ii, at 10:31 PM
الحمدلله على سلامه
تصدق اني اعز الكراسيد
منحوس 96 لما وقفوها
By kuwaite, at 12:54 AM
نوره
الله يسلمك
لا والله مادشيت عرس حريم بس اسمع
بعض البنات ترقص الى ان يغمى عليها
وبعدين تقول صكونى عين
(:
عسى ما شر اشفيكى مسكره المدونه
(:
بعد ما عرفت ان زعنفه تقحص اى تفحط خلاص عرفت ان كلامها غير حقيقى
(:
By qalm-jaf, at 3:34 PM
كويتى
اى والله لها معزه
بس اللى خلانى اكرها
ان المساحات خربانه
وانا احب الشتاء والمطر
كرهت المطر والسبه السياره
(:
سعيد بزيارتك
):
By qalm-jaf, at 3:36 PM
كويتى رحال
الايطار الذهبى يسلم عليك
(:
وحمدالله على السلامه
نسيت البنشر بعد اللى بالصيف وانت رايح الجامعه
(:
By qalm-jaf, at 3:39 PM
الله يسلمك اكيد استفدت
بحرينيه
الله يسلمك
اكيد انضبط ميه ميه
(:
By qalm-jaf, at 6:07 AM
وي اسم الله عليك
خاطك السو وما تشوف شر
عسى الله يحفظك يا رب
:)
تدري انا اول ما سقت كنت اذا فتحت المسجل مااقدر استمتع بشي:بس افكر لو ادعم راح اموت على اغاني ويمكن ما اقدر اتشهد!!
هذا الهاجس يوترني خاصه انه سواقتي في البدايه كانت مش ولابد
:)
هالشي كان وما زال يرعبني خاصه انه دعائنا الدائم الله يحسن خاتمتنا
الحمدللله الحين سواقتي تعدلت وصار لي مدة طويله ما ينسمع في سيارتي غير القران والذكر
ما عدا بعض العرات بين حين واخر الله يقلل منها:)
By esTeKaNa, at 1:55 PM
استكانه
الله يسلمك وخطاج اللش
حتى انا فى البدانه راسى يعورنى من كثر ما احاتى المرايات الثلاثه
(:
اى والله يالله حسن الخاتمه
تحياتى لأغلى استكانه
(:
By qalm-jaf, at 3:24 PM
الحمدلله على السلامة
عيشتني بجو مرعب
سين عشرة سين عشرة
By 7amee elDyar, at 10:50 PM
Cool blog, interesting information... Keep it UP http://www.lamborghini-diablo-picture.info/fitness-stereo-equipment.html Pilates tyler texas
By Anonymous, at 10:54 AM
Enjoyed a lot! » »
By Anonymous, at 2:21 PM
This is very interesting site... » »
By Anonymous, at 2:25 AM
Post a Comment
<< Home