qalm-jaf

Thursday, July 28, 2005

لا تقول كيفك!!!!؟

السلام عليكم ورحمة الله وبركاته
لدي مشكله من ذ و سنوات ليست قليله اعتقد اول يوم عرفت بانى لدى هذا العيب او المشكله هو عندما كنت فى الصف الثانى الثانوى وقام المدرس فى توزيع نموذج تكتب فيه او تحدد
هل تريد القسم العلمى
او هل تريد القسم الادبى
اتذكر ذهبت الى المنزل وانا محتار جدا سألت الاسره فردا فردا
الاغلب يقولون لى اذهب الى القسم العلمى
سألت الوالد وانا اعرف بان الوالد أمي لا يعرف القراءه والكتابه
قالى كيفك انا ما اعرف شنو العلمى او الادبى
تضايقت ذهبت محتار ا فكر الى ان بان على شكلى التعب والسرحان
سألتنى الوالده
لماذا متضايق
قلت يمه اروح علمى اوادبى
ضحكت الوالده قالت ياوليدى انا ما اعرف اقرا الجريده وانت تسألنى
علمى او ادبى
اخيرا قررت
ذهبت الى القسم العلمى ولكن فشلت فشل ذريع
اربع كيكات مثل ما كنا نسمي الرسوب
ثم ذهبت الى القسم الادبى والحمدالله توفقت
بس المشكله لازالت موجوده حتى بعد التخرج من الثنويه كنت محتار اين اذهب فنسبتى لا تدخلنى الجامعه ذهبت الى التطبيقى وخلصت
ايضا المشكله موجوده
ذهبت الى ديوان الخدمه المدنيه للبحث عن وظيفه قالوا لى ما هى رغباتك
النفط
الاعلام
الصحه
هذى هى رغباتى بعد فتره قصيره على اللى عنده فلوس طويله على المفلس اللى نفسى اتصلوا وقالو لى فى وظيفه فى وزارة العدل
موافق اوغير موافق
قلت موافق موافق موافق
وذهبت بسرعت الضوء
توظفت ولله الحمد استلمت الراتب شريت سياره وعرفت ان الراتب لزم يخلص مهما تقتصد لزم يخلص وعرفت ان الشغل او المعاملات ماتخلص
او مثل مايقول زميللى المصرى
العمر يبنى بيخلص بس الشغل عمره ما بيخلص
بس المشكله ما زالت موجوده
انا موظف حكومه بس فى نظرى الراتب زين والله الحمد اصبحت نائب رئيس القسم فى فترة قصيره اخذت الدرجه الرابعه بالاختيار والمستشار اي المدير يقول لى انت الان من كبار موظفين الدوله
عندى علاقات كثيره بسبب الدوام واحب هذى العلاقه اللى مرات اخلص شغلى او اساعد ربعى عن طريقهم المعارف اللى اعرفهم
بس افكر بالقطاع الخاص من سنتين فى شركات اسلاميه او الوطنيه للاتصالات او ام تى سى
انظرو الى المميزات الراتب دبل راتى الحالى
الدوام فترتين يعنى صبح وعصر
بونص سنوى او شهرى على حسب الشركه
تتعالج انت واسرتك فى اى مستشفى خاص على حساب الشركه
او تتحمل عشره بالمئه والباقى على الشركه
بس المشكله مازالت موجوده؟؟؟؟
المشكله اللى عندى ماعندى القدره على اتخاذ القرار !!!!!؟
فى مدير كبيرفى القطاع الخاص يقول حق صديق لى
مو مهم شنو مسماى المهم شنو فى مخباتى !!!؟
وفى مثل يقول
خلك على مجنونك لا يجيك اجن منه
المشكله ببساطه
هل اذهب الى القطاع الخاص
ام ابقى فى قطاع الحكومه
ملاحظه : لا تتوقعون ان فى دوامى راحه ومافى شغل دوامى ايضا زحمه وفيه شغل وله علاقه مع الجمهور

27 Comments:

  • منو يقول كيفك
    كنت قاعد اطالع
    برنامج يتكلم عن التخطيط لما بعد التقاعد
    او خلني اقولك الحياة ما بعد التقاعد
    شنو طموحك
    هذا الشي اللي لازم تركز عليه قبل كل شي
    تقدر تحصر طموحك بعملك انك توصل فيه الى مستوى اعلى
    وتقدر تدعم هالطموح بتكميل دراستك الجامعية
    وتقدر تقول لآ
    بروح القطاع الخاص
    علشان لما اتقاعد مو علشان الحياة اليومية ومزاياها خلال فترة عملك قبل التقاعد
    تقول بينك وبين نفسك
    اذا دخلت القطاع الخاص
    وقدرت توفر لما بعد التقاعد
    وتبني مشاريعك او راس مال قوي
    تغيير فيه سير حياتك
    وتعيش ببحبوحه مالية لك ولأبنائك
    وبالتالي
    انت شنو طموحك
    تحياتي

    By Blogger enter-q8, at 11:16 PM  

  • صراحة يا قلم جاف

    هذا موضوع محد يقدر يقرر فيه غيرك انته

    ممكن احنا نشوف الشغله من منظار مختلف لان

    احنا مو موضوعين بمثل وضعك الحين او مخيرين بين شغلتين

    فالقرار بالنسبة لنا ياي على الأريحية


    انته شنو شايف


    بقائك في وظيفتك الحالية أفضل لك مستقبلا؟؟ ولا

    ذهابك الى القطاع الخاص ؟؟


    واستخر ربك وتوكل يا حجي

    By Blogger نون النساء, at 1:37 AM  

  • قبل لا اقولك رايي

    عندي سؤال ..

    على حسب معلوماتي انه انتوا في الكويت عندكم المدرسه لين اول ثانوي

    وعقبه جامعه

    كيف طلعت سالفة الادبي والعلمي ؟؟

    وهل هي ظمن المرحله الثانويه او لا ؟؟


    سوري بس حيبت استفسر بس

    اما عن شغلك .. انا اشوف انك تصبر على اللي انته فيه واتم في القطاع الحكومي بما انك في منصب عدل

    صح الخاص عندهم وايد امتيازات بس بعد وايد تعب

    روحك تقول انه دوامين

    و انته اهنه اداوم بس الصبح

    يعني تقدر تسوي لك بزنس روحك العصر

    بقولك شيء

    ترى ما في انسان طلع مليونير

    كل حد يبدا من الصفر

    ابذل جهدك واشتغل

    وسو لك كمن مشروع يدخل عليك

    احسن من انك تسير تنذل في القطاع الخاص

    هذا رايي .. وانته ادرى بمصلحتك

    By Blogger malak dubai, at 1:53 AM  

  • enter-q8
    والله فكرة فى الدراسه بالاردن بس مشكلتى متردد وتبيلها طولة بال وشوية مصاريف انا موظف فى الحكومه صارى خمس سنوات قبل اخر الشهر مافى شى فى مخباتى او تقدر تقول بعد عايش على الماستر اما فى القطاع الخاص الراتب دبل واكيد راح يصير عندى شوية بحبوحه وتعرف على الاسهم بعد اما فى التقاعدانشالله اكيد راح يكون عندى كم مدخول
    اما فى الحكومه راح اكون عايش على المعاش
    والله محتار

    By Blogger qalm-jaf, at 3:53 AM  

  • q8-leo
    عزيزتى ليو
    اكيد ما اقدم استقالتى الا اذا انقبلت هذا هو الشرط بعد ما توافق الشركه تقولى جيب استقالتك علشان توظف عندنا
    اما بخصوص بيت التمويل يبيلها واسطه كبيره او بمعنى اصح لحيه طويله حيل
    (:
    وبعدين اذا درو انى اكلمك اخاف يقيمون علينا الحد
    (:
    سؤال
    ليو امانه ليش رحتى للقطاع الخاص منهو اللى اقنعج فى بيت التمويل
    لا تنسين انتى على وجه زواج انشالله راح تداومين صبح وعصر؟؟؟؟؟؟؟؟؟؟؟
    الله يوفقج والله هم لا حسد
    عشان ماتقولين صكيتنى عين
    ماشالله
    (:

    By Blogger qalm-jaf, at 4:07 AM  

  • فيلجا
    مشكوره راح استخير انشالله


    (:

    By Blogger qalm-jaf, at 4:10 AM  

  • ملاك دبى
    عندنا بالكويت التعليم الزامى هو الابتدائى والمتوسط اذا رب الاسره ولده او بنته ماخلص المرحله المتوسطه الدوله تقطع البدل المادى وهو خمسين دينار وترفع عليه قضيه ما سبب انقطاع هذا الطفل عن المدرسه الا اذا توظف الولد او تزوجت البنت الحكومه ماتقول شى
    اما المرحله الثانويه هى الاول الثانى والثانى الثانوى مواد علميه وادبيه يجب عليك ان تختار وانت فى الصف الثانى الثانوى اين تريد ان تذهب الى القسم العلمى وهو الكمياء والفيزياء والرياضيات
    او
    تذهب الى القسم الادبى قسم النصوص والنحو والبلاغه والجغرافيا والتاريخ
    يعنى سنتين فى الصف الثالث والرابع سواء علمى او ادبى وبعدين تحدد الجامعه اللى تبيها اذا كان عندك نسبه لدخول الجامعه
    (:

    فى السابق
    اربع سنوات فى الابتدائى واربع فى المتوسط واربع فى الثانوى
    الان اختلف
    ست سنوات فى الابتدائى
    وثلاثه فى المتوسط وثلاث سنوات فى الثانوى
    اما بخصوص انى افتح محل او مصلحه بالكويت هذا صعب بالنسبه لى
    لزم قرض وادفع خلو ووووو
    التجاره معرضه للخساره وهذا اللى اصعب شى
    اسمعى هذى القصه عن واحد من اللى نفس احوالى
    يبى يصير تاير او تاجر راح استراليا واشترى خرفان اسراليه وطبعا اخذ قروض وتسلف وكتب على نفسه شيكات المهم جاب الخرفان للكويت وقام يبيع الخروف اقل من سعر التجار الكبار اجتمعو التجار وراحو حق التاجر الصغير يقولوله ما يصير تزل سعر الخروف الى هذا السعر المتدنى قالهم كيفى انا ربحان قلوله لزم نعلمك الادب شوى راحو نزلو سعر الخرفان اللى عندم الى اقل من التاجر الصغير راح صاحبنا الصغير يبجى عندهم وتاسف منهم الى ان اشترو من بضاعته وقالوله لا تعودها مره ثانيه
    (:

    By Blogger qalm-jaf, at 4:43 AM  

  • wild-mare
    مشكوره اختى على رفع معنوياتى صحيح القطاع الخاص على كثر ما تعطيه يعطيك
    اما فى الحكومه والله اقعدمرات الى الساعه 3 العصر المستشار بس يقول الله يعطيك العافيه
    اقوله الله يعافيك وفى قلبى اقول العافيه ماتصير افلوس او عمل اضافى
    (:

    By Blogger qalm-jaf, at 4:51 AM  

  • q8-leo
    جزاك الله خير
    انشالله راح اقدم فى اقرب فرصه
    (:
    صدقينى انا اشجع اغلب الربع اللى ما توظف يبدأ فى القطاع الخاص ويجرب حظه
    بس اللى جرب الحكومه يكون متردد
    الله ويفقج ويمكن تتزوجين واحد بعدفى بيت التموين وبعدنفس الفرع تروحون وتردون بسياره وحده
    ادرى راح تقولين اجعوص
    (:
    اهم شى ما اوصيك تاجرى فى الاسهم ترى شى حلو واخذى دورات فيها
    الله يوفقج مره ثانيه
    (:

    By Blogger qalm-jaf, at 6:14 AM  

  • كيفك!!
    هذي الكلمه لازم تنقال صدقني
    لانه كيفك انت تبي تطلع من القطاع الحكومي

    بس انا اللي اعرفه ان الحكومي احسن بميه مره يمكن عندنا وانتم لا
    والله مدري

    بس بقولك ان القطاع الخاص متعب ودوامين
    انت فكر لبعدين اذا تزوجت وجاك عيال بترضا انه ثلاث ارباع يومك كله بالدوام

    والله يوفقك انشاء الله من جد انت تستاهل الخير كله

    By Blogger ii, at 8:03 AM  

  • نوره
    انا حطيت العنوان لا تقول كيفك


    وانتى تقولين كيفك
    (:
    عندنا الوضع يختلف فى القطاع الحكومى والخاص عنكم فى السعوديه
    شنو الفايده بكره متزوج ومفلس او عيالى كبرو ويبون سياره ما اقدراشتريلهم يعنى فى الحكومه فى مميزات وفى الخاص هم مميزات
    والله محتار
    الربع فى الرياض يحبون الدكتور غازى القصيبلى علشان السعوده
    (:
    مشكوره على الدعوه وانتى بعد لكى من الكويت ارق تحيه
    عندى عتب عليك فى المواضيع السابقه انتى اول من تعلق واليوم اظاهر مكبره الوساده يعنى بسك نوم
    (:

    By Blogger qalm-jaf, at 8:43 AM  

  • متعوده عليك انك ما تكتب بوست ورا بعض يعني تكتب واحد وتطول على بال ما يطلع منك الثاني
    عشان كذا ما دريت عن هذا والله
    بس والله حاطتلك لينك عندي واسير عليك دايم دايم

    غازي القصيبي يخربها بعض الاحيان
    سعوده .. انا مع السعوده واذا بكرا صرت سيده اعمل (بالاحلام) بخلي كل الموظفين سعوديين مع انهم مدلعين

    لكن تدري وصلت بغازي القصيبي انه يسعود محطات البنزين
    :P
    يعني عندك محطه ولا عندك موظفين سعوديين اقعد فيها والله اعرف ناس محطتهم مسكره من كم شهر ما اشتغلت لانهم ما لقوا سعودي يرضى بهالشغله وغازي القصيبي مو راضي يتنازل عن هالشرط

    على العموم صدقني اللي يدرس ويجتهد ويطور نفسه بيلقى وظيفه زينه اما اللي ينامون ويعتمدون على غيرهم وعلى الحكومه مالهم الا الوظايف الشينه وتخب بعد

    اذا على كذا وكان الوضع يختلف عندكم اجل تقدر تشتغل بالخاص الين تشيب شوي يعدها انتقل للحكومي
    :P
    يكون امداك جمعت لك قرشين تشتري فيها سياره لولدك بس لا تكثر العيال لانه ماراح تقدر الا على اربع سيارات والخامسه ضريبه يعني حدهم اثنين بس وسيارتك وسياره المدام
    :)

    بس نصيحتي حتى لو مسكت لك وظيفه حاول تطور نفسك ان كان بالاسهم او بالمشاكره مع احد بالمشاريع
    افضل لك من انك تنتظر ولازم تكون طموح وما ترضى بحدود وظيفتك

    By Blogger ii, at 10:24 AM  

  • والله انا بقولك شي
    قبل لاتتخذ اي قرار لا تشاور فلان وعلان
    شاور رب العباد
    صل صلاه الاستخاره وان شاء الله كل الامور تتسهل
    والله يوفقك

    By Blogger Q8Lioness, at 1:48 PM  

  • وزارة العدل مكان زين
    إذا مرتاح لا تغير

    بس إذا تتمنى الأفضل حول للقطاع الخاص
    صحيح إن تعب ودوام طويل
    بس غير المميزات إلي اتحصلها راح اتطور نفسك
    لأنه القطاع الخاص ايعلم وايد شغلات
    بالإضافة للدورات

    إذا استقريت على شركة معينة
    قارن بينها وبين وظيفتك الحالية وتقدر اتحدد بسهولة إذا اتحول ولا لأ
    ترى التردد مو خوش طبع :p
    اتخذ القرار بسرعة بعد التوكل على الله سبحانه وتعالى
    بالتوفيق :)

    By Blogger Ra-1, at 11:04 PM  

  • اتخاذ قرار مهم دايما يحسسني بالتوتر
    اظل وقت طويل وانا في حيرة فظيعه وامشي واسال،واحيانا كثر السؤال يشتت التفكير فكل واحد له وجه نظر معينه المهم انته قناعتك وين؟
    نصيحتي:
    اسال وضع لك قائمة بسلبيات وايجابيات دوامك الحالي او القطاع الخاص اذا حولت

    بعدين بعد ما تعرف كل ما تريد ان تعرفه وتجمع كافه المعلومات استشر اقرب واكثر الناس اللي تثق فيهم

    بعد هذه الخطوات صل صلاه استخارة،مرة ومرتين وثلاث وادعي باخلاص:اللهم ان كان هذا العمل فيه خير لي في ديني ودنياي وعاقبه امري فسهله يارب واذا كان في شر يصرفك عنه
    مهما عرفت وتوقعت في اشيا ما يعرفها الا الله سبحانه وتعالي،بعد الاسختارة توكل على الله واي امر يصير من سهاله او تعسر الامور تعرف انها خيرة فترتاح نفسيا
    عسى ربي يوفقك دنيا واخره ويحفظ كل والجينك ولا يحرمك منهم يارب
    :))

    By Blogger esTeKaNa, at 2:03 AM  

  • نوره
    والله اقشر القصيبى بس يعجبنى الربع فى الرياض ضايق خلقهم يقولون القصيبى يبشرنا ترى حتى الحلاقين راح تصير سعوده
    (:
    اذا على التطوير او البحبوحه لزم القطاع الخاص وانشالله بروح بعد الاستخاره
    (:
    اما على العيال لا والله ودى اجيب عشره
    (:
    مشكوره نوره

    By Blogger qalm-jaf, at 6:14 AM  

  • q8lioness
    مشكوره اختى
    وجزاك الله خير
    اكيد رب العباد راح يوفقنى
    انشالله الله
    راح اصلى صلاة الاستخاره
    (:
    على فكره الصوره حلوه منو هذى
    (:

    By Blogger qalm-jaf, at 6:19 AM  

  • ra-1
    والله دوامى حلو لانى احب الزحمه وكونت قاعده من اصدقاء ومعارف والواحد يتعب بس اذا احد من المراجعين قالك الله يعطيك العالفيه من قلبه او دعوه حلوه وطار من الفرحه والابتسامه المراجع التعب كله ينسى
    بس اذا فكرت فى مستقبلى وراى زواج وعيال وبيت ومن حقى يكون عنى فلوس شويه لزم اروح الخاص
    صحيح كلامك لزم اتخذ القرار بسرعه الكويتين مشالله قاعدين يزيدون فى القطاع الخالص
    مشكوره اختى
    (:

    By Blogger qalm-jaf, at 6:29 AM  

  • استكانه
    اى والله اتخاذ القرار مرات الواحد يعوره راسه من كثر ما يفكر
    (:
    جزاك الله خير انشالله راح اصلى صلاة الاستخاره مره ومرتين وثلاث الين ربى يفرجها
    مشكروه عيونى
    (:
    استكانتك اليوم فيها ماى مقرى عليه
    (:

    By Blogger qalm-jaf, at 6:39 AM  

  • كويتى رحال
    جبتها على الجرح وجنك ما دريت وانت قاصد ماهى على النيه اصدفت
    (:
    احنا نركض ونتعب ونسهر وناكل تبن فى الدوام علشان نتزوج وبعدين الله يستر يمكن المره بعد مايعجبها شى
    (:
    والله شكلى اباخذ فلبينيه ونطيحله هبرجر فى الجبن ليل ونهار
    بس الله يستر لا يطلع الولد على عمه الكبير او على عمه الصغير
    او مكس بينهم
    (:
    كويتى رحال اشفيك على ليو ترى ما ارضى عليها هذى اخر العنقود وبعدين
    اشعليك خلها تدز على كيفها اذا بيت التمويل مافيه واصطه انا مصدق ترا حتى ليو توظفت من غير واسطه؟؟؟
    هههههههههههه
    بدأ الحسد
    مشالله الله يوفقكم
    (:

    By Blogger qalm-jaf, at 6:54 AM  

  • مدى
    صحيح الدوام فترتين يتعب هذا اللى امخلينى متردد
    بس دوام الى الساعه 3العصر على مااعتقد هذا دوام شركات النفط
    (:
    مشكوره مدى وجزاك الله خير
    (:

    By Blogger qalm-jaf, at 5:52 AM  

  • ماكو نفس تعب الخاص

    By Blogger Nooni, at 9:21 AM  

  • @@nooni
    بس التعب منسي
    (:

    By Blogger qalm-jaf, at 5:57 AM  

  • حلت دنياك
    والله مادري اذا انت تعرف منو هذي علمني :P

    By Blogger Q8Lioness, at 1:47 PM  

  • q8lioness
    والله نسيت الله يهداج ما تعرفين هذى
    @@؟؟؟
    هذى امى يوم تزوج ابوى
    (:

    By Blogger qalm-jaf, at 4:23 PM  

  • ببساطه شوف المكان المريح لك..:)

    اذكر ايام الميداني اللي كان يدربنا الشغل كان عليه واااايد وتعب وكل هذا معاش شويه وما شاء

    الله عليه متزوج بدل المراه ثنتين

    سالته ليش ما تغير مكانك ...بكل بساطه قالي انا مرتاح هني ...وادري ان الشغل وااايد

    وتعب ومراجعين ولويه لكني احب المكان ومرتاح فيه واحب هالشغل ..:)

    الله يوفقك اخوي قلم جاف...

    تحياتي...

    By Blogger الاء سعود المجيبل, at 11:05 AM  

  • By Anonymous Anonymous, at 3:14 PM  

Post a Comment

<< Home