qalm-jaf: بساط الفقر

Wednesday, July 13, 2005

بساط الفقر

المال غايه او وسيله
يقال دائما وخصوصا فى الافلام المصريه الفلوس مش كل حاجه بس اذا تبون الحقيقه فى هذا الوقت بالذات اشعر احيانا ان الفلوس اصبحت غايه وليست وسيله يعنى خلينا نتوقع ان كل شخص فينا ورث او ربح او حصل على عشره مليون دينار او ما يعادل ثلاثون مليون دولار امريكى او عنده مال لايفنى
ما هى مشاكل هذا الشخص الغنى غناء فاحش
اذا يريد ان يدرس بالجامعه يذهب الى افضل جامعه بالعالم ويتعلم افضل وارقى علم
اذا يريد ان يتزوج يتزوج احلى وارقى بنت وليش ما ياخذ اربع بعد
اذا حاشته فلونزه يروح الى افضل مستشفى فى العالم
اذا يبى سياره يركب افضل سياره بالعالم ويمكن تكون تفصال يعنى صناعه يدويه
وليش ما يكون وكيل سيارات فى البلد
اذا يبى يسافر ما يعرف الويتنق او الانتظار ليش لانه عنده طياره خاصه
وبالنسبه لى
واذا ولدى صار عمره 18 سنه ويبى يصير تاير اى تاجر اعطيه مليون
اخليه يلعب فيهم فى البورصه احسن من القز فى الشوارع
بنتى مضايقه تبى وين اوديها فى عطلة نهاية الاسبوع
المدينه الترفيهيه اكيد لا
اميركا او اوربا اونس اليهال اشوى
المدام تبى الكوفيره مو مشكله حنان دشتى اكيد تحت امرى
ادق على بنت دشتى واقولها تجى اهى والفلبينتات والعده
كلش ولا زعل المدام
ولدى اخر العنقود ضايق خلقه ليش حبيبى
يبى يسوى مخيم مع ربعه عيال الفقر فى شهر اغسطس
مو مشكله نشترى الخيام ويروح على الطياره الخاصه الى ابرد ديره فى اوروبا
ويسوى مخيم
(:
بعدين فى آيه تقول
المال والبنون زينة الحياة الدنيا
يعنى الله سبحانه وتعالى قدم المال على البنون
كل وحده تحلم بان تتزوج رجل طيب زين على زين اذا كان مليونير
وكل شاب من حقه يتزوج وحده من اجل مالها وجمالها وحسبها ودينها
اذا عندكم فلوس لا يوجد شى يقول لكم مايصير
الا شى واحد
هل يوجد شخص خارج نطاق العائله يحبنى لوجه الله؟؟؟
ربما
الحمدالله على الصحه والعافيه
(:
وبعد هذا الفلم الهندى
المال غايه او وسيله؟؟؟؟؟؟؟؟؟؟؟؟؟

35 Comments:

لا طبعا محد بيحبي لوجة الله .. مب مستحيل .. بس بيكون شيء نادر

الأغلبيه بتتقرب مني لأجل مالي لا أكثر ولا أقل

بس أنا أشوف حياة الفقير أحسن من الغني

الفقير يوم القيامة يدخل الجنة قبل الغني بواااااااايد

لأنه الفقير ما كانت عنده وايد أموال الله يحاسبه عليهن وين راحت

أما الغني الله يعينه من حساب الله

صح أنه الله قال اللي عنده يعيش بهن في خير ونعمة .. بس بعد تراه يتحاسب على كل ريال صرفه

يمكن هالشيء صح أنه الواحد دايما في حياته يبذل جهده عشان يكون له مبلغ محترم

بس بعد انا اشوف انه الآخر أهم من الدنيا

وترى الدنيا فانية

فـ المال وسيلة .. أنه نعيش بهالدنيا

By malak dubai, at 11:47 PM
of course a mu2min money is nothing but a waseela
if he has its good to spend it for the sake of Allah if he doesnt he is fine
if he has a lot of money it didnt affect his eman,,,

and its truely strange how we see some people use money,, they forgot Allah and the day of judegment that they want to live paradise on this world

here are some ayat which have money mentioned in them

مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ

الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ ثُمَّ لَا يُتْبِعُونَ مَا أَنْفَقُوا مَنًّا وَلَا أَذًى لَهُمْ أَجْرُهُمْ عِنْدَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ

إِنَّ الَّذِينَ كَفَرُوا لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا وَأُولَئِكَ هُمْ وَقُودُ النَّارِ

وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِنْدَهُ أَجْرٌ عَظِيمٌ

وَلَا تُعْجِبْكَ أَمْوَالُهُمْ وَأَوْلَادُهُمْ إِنَّمَا يُرِيدُ اللَّهُ أَنْ يُعَذِّبَهُمْ بِهَا فِي الدُّنْيَا وَتَزْهَقَ أَنْفُسُهُمْ وَهُمْ كَافِرُونَ

By MASS, at 12:30 AM
السلام عليكم يا اهل الدار
موضوع جميل وواقعي
الا سالفة صاحبنا الا عنده عشر ملايين وعايش امبراطور زمانه
ترا عشر ملايين ولا شييي ..هذا فقير بنظر الهوامير الكبااااار
عيال المليارديرات
وبعدين انا مثلا لو بالغلط طلع عندي عم مهاجر بالبرازيل ماسمعت عنه وكتب وصيته انه ولد اخوه الي يكتب بالنت يحصل عشر ملايين فماراح احط ريل على ريل واقول خلااص حققت املي من الدنيا
لأ المفروض اني اخذ الفلوس واستثمرها واخليها بدال العشرة تصير امية وبدال الامية تصير مليار وجذي
لازم الواحد يكون عنده طموح ورغبة بالتغيير لتعمير الارض إلى آخر رمق في حياته

ولانه اصحاب المليارات غالبا تفكيرهم مثل تفكيري فهم ابدا لا يذوقون طعم الراحة وحياتهم نكد في نكد

فالسالفة معادلة رياضية عجيبة
الله مايظلم احد ابد

موضوعك جدا مهم في ايامنا هذي
تحية اعجاب وتقدير

By tamotest, at 2:02 AM
ako 7ad gal qaya ?
I don't think ena a7ad bigool halshay
akeeed elmoney waseela to be happy

they said : lefloos wa9kha !

By Eb9ara7a and his Wife, at 2:56 AM
تعرف حنان دشتي ها
@@
طلعت منت هين
:)
المال شي مهم واللي يقول المال مو مهم
يا جذاب يا حلمان
تقدر تسوي وايد اشيا بالفلوس
بس تخيل انته ملياردير وكل هالخير عندك
هل راح تلقى احد يحبك عشانك انته؟
هلى راح تحط راسك على المخدة مرتاح؟
هل راح تكون انسان سعيد؟
هل راح تدش الجنه؟

انا اقول الحمدللله على كل حال
ومعلومه ترا الفقارا اهم اللي ينحبون
مادري ليش
:)

By esTeKaNa, at 5:03 AM
هناك مثل يقول لو جريت جري الوحوش غير رزقك ماتحوش
صدقني اخوي اعرف وسمعت عن ناس اغنيه حاشهم مرض ومانفعتهم فلوسهم قولي بشنو نفعتهم السياره ولا الطياره وغيرهم كاهم طايحين الي بيته ولي بالمستشفى الله يشافيهم وصدقني القناعه هي كل شي القناعه كنز لايفنا
الواحد لازم يصير قنوع ومايصير جزوع وكله موعاجبه الحال هذا غلط ولازم يرضى بالي الله كاتبه له اهني تلقى راحة البال والسعادة الحقيقيه سامحني اخوي انا موقصدي شي بس انت اثرت موضوع حلو كالعادة والواحد يحب يقول رايه الشخصي فيه والكلام فيه طويل وايد
بس اكتفي بهذا القدر

آسف على الطواله
وعساك على القوه الله يعطيك العافيه :)

By فارس هوى الكويت, at 7:46 AM
والله رأيي يقول المال وسيله وغايه
بدون الكاش في دنيتنا الحاليه ما تقدر تسوي شي , حتى الخير صار بفلوس , بس وسائل الخير اقل في الغلى وهذا شي طبيعي .. بس فكر اذا كان زي ما قلت غنى فاحش وحرير وفير وذهب وألماس و و ... طيب كيف حياتك الشخصيه ؟؟
كيف دنياك الدينيه ؟
كيف حبك وكرهك وكبريائك وتكبرك وكيانك ؟؟؟

عندي جمله سمعتها من ولد عمي الاكبر مني تقول :
Money Walk , Also Money Talk :)

بس والله والله والله , الفقر والحياه الصعبه تعلم الحمار اللي ما يتعلم , والله الفقر يعلمك صبر وقسوة الدنيا ...

لكن والله ولدك العنقود فلللللللللله :)
ولدى اخر العنقود ضايق خلقه ليش حبيبى
يبى يسوى مخيم مع ربعه عيال الفقر فى شهر اغسطس
مو مشكله نشترى الخيام ويروح على الطياره الخاصه الى ابرد ديره فى اوروبا
ويسوى مخيم
(:
هههههههههههه

معليش على الاطاله
تقبل خالص تحياتي
واشكرك على الموضوع واتاحة الفرصه للمناقشه والتعليق :)

By Slim Thug, at 2:42 PM
موضوع مهم
البيزات تير البيزات و المريش يبي يدبل اللي عنده .. يعني مهما يحصل الانسان من فلوس فلا تتوقعون انه بيشبع

أغنى الأغنياء ماراح ياخذ معاه بقبره الا كفن .. خرجة بيضة بتندفن معاه فقط لا غير

شيقول أبو نواس ؟
أنت للمال إذا أمسكتَهُ
و إذا أنفقتهُ فالمالُ لكَ

By Eb9ara7a and his Wife, at 3:23 PM
مدى
التعليق واقعى
وانا بعد اقول المال مهم
(:

By qalm-jaf, at 7:31 PM
ملاك دبى
اختلف معكى ان الفقير تدخل الجنه قبل الغنى فى اعتفادى الكل سواسيه اما الله
انا اتكلم بشكل عام كم فقيره باعت شرفها بالعالم علشان الفلوس هذى فقيره يمكن تموت وهى فقيره بس راح تتحاسب على اللى سوته يعنى ما فيه مليونير يحب الخير
والله يحبه اكيد راح يدخل الجنه قبل الفقراء بس انا سمعت ان الغنى الصالح اعلى درجه من الفقير الصالح ليش لان الغنى يقد يسوى شغلات بفلوسه وهذا اختبار من الله بالفلوس اللى معه يقدر يبنى ملهى او ديسكو لكن بنى مسجد مثلا يقدر يتاجر بالمخدرات بس ما يتاجر بالمخدرات يبنى مستشفى لعلاج المدمنين
اما الفقير يروح العمل ويصلى علشان الله يرزقه
(:

By qalm-jaf, at 7:45 PM
q8ibloger
اغلب الايات اللى ذكرتيها للكفره
يعنى ما فيه مليونير يحب الخير وعطى الفقراء ويعلم ويدرس الفقراء بالعكس اتمنى اكون مليونير صالح لا فقير طالح
(:

By qalm-jaf, at 8:05 PM
q8-leo
يمعتى خمسميت مليون شنو تسوين فيهم الله يهداج خمس الاف هذى
سوى فيهم كل شى ابنى مساجد تصدقى زوجى بنات العالم سوى دورات لحفظ القراءن وتكون دوره عالميه بعد
طلعى مساجين الشيكات من غير رصيد
سفرى مرضى على حسابج
وبعدين ما فى مليونير بكامل صحته وعافيته لزم يكون مرضان
واهل المليونير ما فى اودم لزم يعيبون
اكيد فيه
يعنى اذا خطبج ولد الصقر او ولد الخرافى او احد الهوامير راح تقولين لا ابى نفس مستواى !!!؟
اصلا يمكن الوالد يواقف من غير رايج
واذا واحد من قرايبكم مليونير ونفس عمرج وكتكوت ومزيون وجامعى خطبج تقولين شنو
وبالنسبه حق الضغط والسكر انا اشوف اكثرهم من عيال الفقر والدليل الوالد فيه ضغط الله يشفيه والوالده فيها سكر الله يشفيها
(:

By qalm-jaf, at 8:30 PM
ambitious
وعليكم السلام ورحمة الله وبركاته
ياعزيزى مو مشكله اصير فقير ومنتف فى نظر الهوامير احسن من فقير فى نظر الجميع
واذا طلع عندك عم لا تعب نفسك انا اصير صديقك العزيز واستثمرهم لك
(:
انا مؤمن ان العين ما يترسها الا التراب
المليونير شنو متعته ان المليون تصير مليار بس مو بورحه اكيد فى موظفين معاه نجحوه واهم بعد انجحو
يعنى يارب ارزقنى وارزق منى
تحياتى لك والى عمك الوهمى فى البرازيل
(:

By qalm-jaf, at 8:44 PM
غنيمه
الله وصف الفلوس انها زينه
وبعض الناس توصفها انها وصخه
اذا الفلوس وصخ دنيا انا احب الوصخ
لان الله وصف الفلوس بالزينه مو بالوصخ الوصخ اللى بقلوب العالم من كره وحقد وغرور وعنجهيه وتكبر
وغيرها
الفلوس نعمه يجب ان نشكر الله على النعمه
(:

By qalm-jaf, at 8:54 PM
thats not true
about that ayat i cited bring talking about kuffar mostly

rather how do you know that if you were a millionare you would have been 9ali7

may be by Allah making you a normal person he is actually keeping you away from ma3asi

some people are better being rich coz they will thank and spend for Allah s sake,,,
other will be bad when rich coz they will use it in fasad and rather they will be good in poorness coz they will be patient and make du3a2 and feel in need of Allah

i think you get what am trying to say :)

we might not like somehting yet all the khair is in it

By MASS, at 9:15 PM
استكانه
هل راح تلقى احد يحبك عشانك انت؟؟
ممكن انتى قاعده توصفين الفقراء بصفه المنافقين ليش ما فى فقراء عنده عزت نفس ويحبون لوجه الله
ثانيا
اكيد راح يكون عندى ربع مليارديريه او اغنى من عندى ان نفس المستوى ليس ما نحب بعض من غير خوف
س/ هل راح تحط راسك على المخده مرتاح
ج/ الله يهداج احط راسى على المخده واشخر بعد يعنى لزم المليونير فيه هوس ودايمن مستعجل على الربح او خايف يخسر او ظالم احد ليش ما فى مليونير صالح وعادل
س/ الجنه موضوع خطير جدا ما احديعرف انه راح يدش الجنه حتى المفتى ما يدرى انه يدش الجنه او النار
اذا كنت مليونير صالح وبنيت مساجد فى كل ارض فى العالم
ودار تحفيظ قراءن
ودار الايتام
وسويت مناطق سكنيه للفقراء
واصلى واصوم واحج ومعطى اهلى كل حقوقهم
وكل سنه احجج الفقراء على احسابى
وابنى مستشفيات
واوظف العاطلين عن العمل بدل من الطراره
ليش ما ادش الجنه ؟؟؟؟؟
وانا بعد اقول الحمدالله على كل حال
الفقاره اهم اللى ينحبون
المحبه شى ربانى
بس فى مليونيريه هم ينحبون ويحبون
(:
استكانتج اليوم بمليون دينار
(:

By qalm-jaf, at 9:18 PM
فارس هوى الكويت
حبيبى اخذ راحتك
علشان انا حبيبى بعد راح اخذ راحتى
لو تجرى جرى الوحوش غير رزقك ما تحوش
هذا المثل يجمد العقل والمنطق والابتكار
يحث على الخمول الرباده والكسل
الله يقول
وقل اعملوا فسوف يرى الله عملكم
الله يحثنا على العمل وليس الاتكاليه يعنى خلاص ما اروح الدوام واقعد فى البت واقول الله يرزقنا واذا جت حزت الغدا اقول يارب ارزقنا الاكل علشان ناكل
اكيد راح تقول لا
اقول يارب ارزفنى فى كل وقت بس لازم اعمل
وبعدين لزم المليونير مريض انا اشوف الفقراء هم مرضى
تقول القناعه كنز لا يفنى
القناعه فى شكلى فى طولى فى وزنى فى اشياء ربانيه بس الغنى والتجاره طموح
يعنى ما يصير اروح حق تاجر صغير جدا واقوله خلك قنوع ولا تفكر تصير غنى او مليونير ليش علشان ما اقتل الطموح الى عنده
تقول خلك قنوع ولا تصير جزوع
الحمد الله انا ماقلت مو عاجبنى الحال انا اشوف اللى افقر منى دايمن علشان اقول الحمدالله بس يعنى ما فى مليونير قنوع ومتواضع ويقول الحمدالله
(:
لا تاسف على الاطاله لانك المدونه مدونتك وحياك الله باى وقت والله يعطيك العافيه

(:

By qalm-jaf, at 9:47 PM
وسيله

By Mother Courage, at 10:01 PM
slim-thug
حياك الله
نعم المال وسيله وغايه
تقول كيف حياتك الشخصيه والدينيه ووووو
يعنى ما فيه مليونير صالح يصلى ويصوم ويزكى ويحب زوجته وعياله
اكيد فى
وبعدين تقول الفقر والحياه الصعبه تعلم الحمار اللى ما يتعلم
ههههههههههههه
لزم اصير حمار علشان اتعلم ؟؟؟
وبالنسبه حق ولدى اخر العنقود طالع على ابوه عقليه تجاريه قول سنو يبى ؟؟
يبى يشترى بر الصمان فى السعوديه
(:(:(:

By qalm-jaf, at 10:08 PM
بصراحه
الموت حق وكل نفسن تذوقه
مير البلا من ذاق موته ولا مات
(:
صحيح اغنى الاغنياء ماراح ياخذ معاه الا كفن بس اذا كان صاحب خير فى جميع انحاء العالم تتوقع كم واحد راح يصلى عليه
وكم واحد راح يدعى من ربه ان يرحمه ويدخله الجنه
(:

By qalm-jaf, at 10:18 PM
q8-leo
على راحتك بس لا تطقينى
(:

By qalm-jaf, at 2:09 AM
ملاحظة بخصوص انه الفقراء يدخلون الجنة قبل الأغنياء
ترا هالشي ورد في حديث عن الرسول صلى الله عليه وسلم ما اذكر نصه لكن معناه هو انه الفقراء يدخلون الجنة قبل الأغنياء بخمسمية سنة لانه ماعندهم اشياء وايد الله يحاسبهم عليها عكس الغني الي حتى لو كان خوش واحد بس عنده بلاوي وايد يتحاسب عليها
فلوس وعقارات ومشاريع وشركات وكل شي سواه بحياته

هذي شغلة وشغلة الثانية عندي سؤال فلسفي شوي
شنهو الحد الفاصل بين الغنى والفقر ؟؟
يعني شنو اقل مبلغ لازم تملكه علشان تعد نفسك في خانة الاغنياء واذا حصلت اقل منه بدينار فانت ضمن الفقراء ؟؟
لانه مهما حاولت تقنعني انك فقير فانا متاكد انه عيشتك كانسان كويتي افضل عن عيشة اغلبية سكان الارض
وانت تعتبر من اغنى الاغنياء مقارنة باخواننا في اسيا وافريقيا الي مايحصلون حتى قوت يومهم

اما سالفة انه الفقير اسعد من الغني والعكس فهذي حسب الشخص نفسه
الغني يقدر يحمد الله على النعمة ويادي حقها من صدقة وزكاة ويعيش متهني وفرحان بعمره
ويقدر بنفس الوقت انه يذبح نفسه ذباح علشان يدوبل الفلوس باي طريقة حلال او حرام وبجذي تصير حياته بقمة التعاسة
وكذلك الفقير يقدر انه يرضى بالي الله كاتبه له ويعيش احلى عيشة من غير اي شي يكدر مزاجه
وهم بنفس الوقت يقدر كل يوم يطالع فوق وهو مقهور ومنبطة جبده اليمن تشقه الامراض شق ويفنقش مقهورا !!ـ

الخلاصة ..الفلوس وسيلة ماهي غاية ولذا فهي ليست السبب الرئيسي للسعادة
هي مجرد وسيلة ضمن وسائل عديدة لتحقيق السعادة

ويزاك الله خير مرة ثانية على هالموضوع الي خلانا نتفكر شوي بحالنا مع الفلوس

By tamotest, at 2:15 AM
اكيد في ملياردير يخاف ربي , هذا ربي وفقه في دنياه وعرفه الصح من الغلط ..
اسال مجرب ولا تسال طبيب حبيبي :)
فكر معايا لو كنت فقير (الحمد لله على كل حال) , اكيد لازم يكون بعض تفكيرك انا لازم اجيب سياره فخمه تليق بالشارع اللي انا امشي فيه او او كل ما تشوف اشياء ما تقدر توصلها بسبب نقص فلوسك او (فقرك) عموما ...

ابغا اقلك معلومه حلوه عزيزي :
ايام لندن قبل 100 سنه (تقريبا 1988 مـ) , طبعا هذا التاريخ مشهور جدا , حيث كان في ذلك العهد جاك السفاح وشارلوك هولمز ايضا , كان ذلك العهد عهد انتكاسه وتراجع , كانت انذاك لندن تسمى بريطانيا العظمى , ولكن الفجوه بين الفقراء والاغنياء اصرت على حدوث طفره (استطيع القول بانها طفرة الاجرام)
ظهر جاك وقام بقتل 5 نسوه وتقطيع وتشريح بعض اعضائهم الجنسيه ولم تفلح الشرطه بالقاء القبض على المريض نفسيا جاك ....!

على العموم شفت كيف ؟؟
عشان الفلوس حصلت الجرائم وما شابه في وقت ليس بوقتنا ..
هنا الفلوس تصير غايه لتبرر الوسيله :)

هذي حكمه اطلقها الفيلسوف الايطالي (نيكولاي ماكافيلي) وهي :
الغايه تبرر الوسيله , طبعا انا لا اؤمن بها البته لما فيها من تنافي مع عادات ديننا الاسلامي

انا اقول المال وسيله وغايه لما لها من اهميه في دنيتنا حاليا ...
معليش على الاطاله اخي العزيز , ولكن ومنكم واليكم نستفيد :)

تقبل خالص التحيات

By Slim Thug, at 11:04 AM
شف ياقلم جاف
بنقعد نتكلم الكلام المثالي هذا وان المال وسيله وليس غايه
ومن هالحكي

لكن التفت حواليك وش حالنا
الحين المال غايه وانا بنظري معنى غايه ان الشخص يسهر ليالي وايام عشان يجمع له كم قرش
بنظري مهب عيب
ليش؟
عشان اقدر اواكب المجتمع اللي حولي الحين حنا زمن الفشخره مافيه احد يرضى يعيش اكل شارب نايم مرتاح ويقول الحمدلله على العافيه
انا هذي النظره اشوفها عند امي
يعني مثلا الحين اذا شافتنا مره مشتطين على السفر ونزن على اخوانا ونختار بين الديره هذي والثانيه تدري وش تقول

تقول المفروض الواحد يحمد ربه على النعمه اللي فيه ويحمد ربه انه عنده بيت ساتره ويحمد ربه انه بصحه زينه ويحمد ربه على انه بلا هموم ويقضب داره ويقعد

تتوقع انه حنا عيال هالجيل بنفكر مثل ما تفكر امي او امك لا

انا ما اقول اني اكره الفلوس ولا ابيها وبعتبرها وسيله وبس
ولا راح اقولك انها غايتي بهالدنيا
بس اعتبره شي اساسي جدا جدا

زمان اول كان الواحد يدور الاخلاق والاصل والفصل والدين بالزواج
الحين الغني لو هو شين وخربان وفسقان يتزوج من احسن العوايل نسبا لو اصله هندي او باكستاني

ليش؟؟ عشان الفلوس

By ii, at 2:53 PM
q8ibloger
آسف على التأخير بسبب الترجمه
(:
اكيد كل شى خيره

By qalm-jaf, at 4:28 PM
mother courage
ممكن

By qalm-jaf, at 4:37 PM
ambitious
صراحه انا ما سمعت من فى الحديث بس سمعت ان كل الناس يتمون واقفين سنوات كثيره الى ان يطلب الكفار من الله ان بيدا الحساب
اما ما هو الحد الادنى بين القفر والغنى
اقدر اجاوبك ان اللى ينطر المعاش ما عاش بالنسبه بانى كويتى الحمدالله اكيد ان احسن من غيرى فى افريفيا بس احنا فى الكويت
اذا كانت الفلوس و سليه للسعاده
اكيد كلنا نحب السعاده

By qalm-jaf, at 6:11 PM
q8-leo
عزيزه وغاليه

By qalm-jaf, at 6:23 PM
slim-thug
شكرا على المعلومات الحلوه
وانا اتفق معاك المال وسيله وغايه

By qalm-jaf, at 7:20 PM
نوره
انا اتفق معاج الفلوس شى مهم وصار هو مفتاح السعاده والعلم
مو بس امهاتنا يقولون الحمدالله حتى احنا بعد انقول الحمدلله بس زدنا على امهاتنا ان نقول الحمدالله ويارب ترزقنى مليون
وبالنسبه للمليونير اذا بيخطب اخر شى تسالونه اصله وفصله
(:

By qalm-jaf, at 7:26 PM
وبالنسبه للمليونير اذا بيخطب اخر شى تسالونه اصله
***
عجبتني (تسألونه) مدري ليه
:P

ومين المقصود ياترى مع انه اصابع ايدك مو واحد

By ii, at 9:13 PM
نوره
آسف قصدى يسألونه يعنى اهل البنت فى جميع الدول ما اقصد شى
ما سمعتى حمود ناصر شنو يقول
صف النويا
(:

By qalm-jaf, at 9:21 PM
ههههههههههه
لا انت بعد صف النوايا ما قصدت اللي فهمته
قصدت البنات
البنات مو كلهم ما يسألون اذا جا المليونير
اخاف يطلع اصله هندي
يسفر عيالي لديرتهم الاصليه ويرجعون بشعور تنقط دهن

By ii, at 10:23 PM
نوره
ههههههههههه
انا جاى الرياض اليوم وبكره ابى اتعشا فى المطعم اليهودى
(:
هههههههههههههه

By qalm-jaf, at 10:36 PM
Looking for information and found it at this great site... Busty april femdom movies Compatible inkjet cartridges good printers Tranny cum on girl Big tits huge hooters Md microdrive memory Resumen de mas platon y menos prozac Chubby teen pictures

By Anonymous, at 4:31 PM

qalm-jaf

Wednesday, July 13, 2005

بساط الفقر

35 Comments:

About

About Me

Previous