راجع بشوقى ولهفتى
الحمدالله
رجعنا بالسلامه وانا مشتاق للكويت اولا ولكم جميعا واشكرلكل من سأل عنى او دعا لى العوده بالسلامه
فعلا اشعر احيانا ان علاقتى معالكم قويه وصادقه
اسأل نفسى سؤال هل سوف اكره البلوق واللى فيه ؟؟؟
العقل يقول ممكن بس قلبى يقول مستحيل
(:
خجلتونى بعطفكم وحنانكم على شان جذى احب اشكر كل واحد فيكم بس على طريقتى الخاصه
الى الاخت نوره
حزينه
لحظة المغرب
تموت الشمس مجبوره
تكابر
ودها ترجع
وتعطى الناس من نوره
(:
wild-mare
أسرج حصانى وعطنى قوسى وسهمى
ما دام انا فى فلاة العمر رحّال
أصور العمر فى شعرى وفى رسمي
وعاداتى آسافر الايّام بلحالى
(:
كويتى رحال
هو ماذكر
انّ الجفا فيه كسره
للخافق الّلي من هوى صاحبه ذاب
ياما سهر طرفى على حبس عبره
(:
q8-leo
فدوة عيونك لو غدت روح مغليك
وش عاد لو راحت لعينك عشاير
أبيع ما يغلى على الكون واشريك
واسوق لى جتنى علومك بشاير
(:
استكانه
من يقول الزّين ما يكمل حلاه
كل شي فى استكانه اكتمل
الله الّلى كمله والله عطاه
ما بقى للزين فى استكانه محل
(:
فارس هوى الكويت
يا فارس الأشعار منى تحيه
مع ريشتى حاولت أصور معانيك
مزجتها بالوان روحى هديّه
يا ليتنى آخذ باقى العمر واهديك
ياما خذينا من حنانك عطيّه
وش عندنا فى مثل ذا اليوم نعطيك
(:
slim-thuy
ياوش بقى باعطيك منّى ولا جاك
ما باقى الا روحى أحيا بها لك
(:
abo mohamed
قالو تسافر قلت ملّيت الاسفار
لاهل السفر غايه وانا غايتى غير
قالوا تصيّف قلت فى دار الاخيار
مصيفى أبها منزل العز والخير
(:
mother courage
يا قصيدة عمرى الّلى تكتبينى
كل يوم حرف من نغمة هواك
ارحمينى بالهوى والاّ اذبحينى
لا تخلينى معلّق فى سماك
(:
مدى
يموت الشجر واقف وظل الشجر ما مات
رياح الدهر تصرخ وهى تجرح جنوبه
(:
غنيمه
الله واكبر كيف تجرحن العيون
كيف ما يبرى صويب العين أبد
أحسب ان الرّمش لى سلهم حنون
أثر رمش العيم ما ياوى لاحد
(:
امان يا كويت
وانا ليّ الشّرف صرت ابن مكّه
ولد فيها نبيّ الله طه
يظلّلنى من الكعبه كرامه
وروحى تقطع بزمزم ظماها
(:
ملاك دبى
ياضايق الصدر بالله وسّع الخاطر
دنياك يا زين ما تستاهل الضيّقه
الله على ما يفرّج كربتك قادر
والله له الحكمه فى دبرة مخاليقه
حلو العيون استهانت دمعها الحادر
كفّ العباير حزين الدّمع ما طيقه
حسايف الحزن يغشى وجهك الطاهر
والورد فى وجنتك حرام تغريقه
يفداك قلب على ما تشتهى حاضر
يفداك بالّلى بقى لي من معاليقه
(:
فيلجا
على حدّ الزمن واقف
واشاهد عبرة الايّام
وشمس العمر تغرق
فى بحرها لين يخفيها
واشوف الليل يكبر
والنهار يذوب فى ظلام
حزينه لحظة المغرب
وداع النّور يطفيها
(:
حنين المساء
امسح الدّمعه ترى ضعفك قوى
أنهزم قدّام ضعفك يا غلاي
امسح الدمعه بعمرى لو تبي
عطنى احزانك وخذ منّي هناي
امسح الدمعه قبل تقضى علي
دمعتك تغرق صباحي فى مساي
(:
بو طارق
مرّت الستّين والشايب طفل
توّى أدرس فى كتاتيب الحياه
مرّت الستّين ما زال الجهل
كل ما جيت أستره يكشف غطاه
(:
سامحونى اذا فى اخطاء او بدليات
رجعنا بالسلامه وانا مشتاق للكويت اولا ولكم جميعا واشكرلكل من سأل عنى او دعا لى العوده بالسلامه
فعلا اشعر احيانا ان علاقتى معالكم قويه وصادقه
اسأل نفسى سؤال هل سوف اكره البلوق واللى فيه ؟؟؟
العقل يقول ممكن بس قلبى يقول مستحيل
(:
خجلتونى بعطفكم وحنانكم على شان جذى احب اشكر كل واحد فيكم بس على طريقتى الخاصه
الى الاخت نوره
حزينه
لحظة المغرب
تموت الشمس مجبوره
تكابر
ودها ترجع
وتعطى الناس من نوره
(:
wild-mare
أسرج حصانى وعطنى قوسى وسهمى
ما دام انا فى فلاة العمر رحّال
أصور العمر فى شعرى وفى رسمي
وعاداتى آسافر الايّام بلحالى
(:
كويتى رحال
هو ماذكر
انّ الجفا فيه كسره
للخافق الّلي من هوى صاحبه ذاب
ياما سهر طرفى على حبس عبره
(:
q8-leo
فدوة عيونك لو غدت روح مغليك
وش عاد لو راحت لعينك عشاير
أبيع ما يغلى على الكون واشريك
واسوق لى جتنى علومك بشاير
(:
استكانه
من يقول الزّين ما يكمل حلاه
كل شي فى استكانه اكتمل
الله الّلى كمله والله عطاه
ما بقى للزين فى استكانه محل
(:
فارس هوى الكويت
يا فارس الأشعار منى تحيه
مع ريشتى حاولت أصور معانيك
مزجتها بالوان روحى هديّه
يا ليتنى آخذ باقى العمر واهديك
ياما خذينا من حنانك عطيّه
وش عندنا فى مثل ذا اليوم نعطيك
(:
slim-thuy
ياوش بقى باعطيك منّى ولا جاك
ما باقى الا روحى أحيا بها لك
(:
abo mohamed
قالو تسافر قلت ملّيت الاسفار
لاهل السفر غايه وانا غايتى غير
قالوا تصيّف قلت فى دار الاخيار
مصيفى أبها منزل العز والخير
(:
mother courage
يا قصيدة عمرى الّلى تكتبينى
كل يوم حرف من نغمة هواك
ارحمينى بالهوى والاّ اذبحينى
لا تخلينى معلّق فى سماك
(:
مدى
يموت الشجر واقف وظل الشجر ما مات
رياح الدهر تصرخ وهى تجرح جنوبه
(:
غنيمه
الله واكبر كيف تجرحن العيون
كيف ما يبرى صويب العين أبد
أحسب ان الرّمش لى سلهم حنون
أثر رمش العيم ما ياوى لاحد
(:
امان يا كويت
وانا ليّ الشّرف صرت ابن مكّه
ولد فيها نبيّ الله طه
يظلّلنى من الكعبه كرامه
وروحى تقطع بزمزم ظماها
(:
ملاك دبى
ياضايق الصدر بالله وسّع الخاطر
دنياك يا زين ما تستاهل الضيّقه
الله على ما يفرّج كربتك قادر
والله له الحكمه فى دبرة مخاليقه
حلو العيون استهانت دمعها الحادر
كفّ العباير حزين الدّمع ما طيقه
حسايف الحزن يغشى وجهك الطاهر
والورد فى وجنتك حرام تغريقه
يفداك قلب على ما تشتهى حاضر
يفداك بالّلى بقى لي من معاليقه
(:
فيلجا
على حدّ الزمن واقف
واشاهد عبرة الايّام
وشمس العمر تغرق
فى بحرها لين يخفيها
واشوف الليل يكبر
والنهار يذوب فى ظلام
حزينه لحظة المغرب
وداع النّور يطفيها
(:
حنين المساء
امسح الدّمعه ترى ضعفك قوى
أنهزم قدّام ضعفك يا غلاي
امسح الدمعه بعمرى لو تبي
عطنى احزانك وخذ منّي هناي
امسح الدمعه قبل تقضى علي
دمعتك تغرق صباحي فى مساي
(:
بو طارق
مرّت الستّين والشايب طفل
توّى أدرس فى كتاتيب الحياه
مرّت الستّين ما زال الجهل
كل ما جيت أستره يكشف غطاه
(:
سامحونى اذا فى اخطاء او بدليات
41 Comments:
حمدالله على سلامتك
ياكبر مكانك والله ..اشلون سفرتك ؟
وبعدين شنو هالترحيب العجيب؟
كل ما قريت ابيات قلت هذي احلى من اللي قبلها....انا غرت منهم كلهم:)
By esTeKaNa, at 5:37 AM
استكانه
الله يسلمك من كل شر
الحمدالله السفره حلوه
تستاهلين كل الابيات
اخت عزيزه وغاليه
يا اطيب استكانه فى العالم
(:
كل شخص افتقدنى اهديته بيت من الشعر هذى القصه وما فيها
(:
By qalm-jaf, at 6:43 AM
q8-leo
الله يسلمك من كل شر
والله ما كذبتى يا ليو انا صج نجرى تدرين ليه بغيت اكتب لكى بيت سب اى هجاء بس استحيت
(:
وبالنسبه للزواج ربما
(:
العفو ليش مافيه شى الابيات مو طبيعى تستاهين اكثر من جذى يا كتكوته
انا متسلفهامن خالد الفيصل
(:
انا مشكلتى لزم اتخانق معاج تدرين ليه
انتى كتبتى كلمه وهى
قلنا
وهذى الكلمه مو حقتنا حقت ربع البرتقاله ؟؟؟؟
احنا من ربع هيله يارمانه يعنى لزم تقولين
قولنا
(:
By qalm-jaf, at 6:57 AM
الحمدالله على السلامه ,,, ماشالله الظاهر الرياض هيجت قريحتك الشعرية ;p
By Mother Courage, at 8:34 AM
حمدلله على السلامه
By lawyer, at 11:33 AM
mother courag
الله يسلمك من كل شر
اى والله انا احب الشعر وافصل عليه احيانا
(:
ليو
انا قلت ربما
وبالنسبه انى متاثر فى اهل الرياض والنعم فيهم بس مو متاثر
ليش ما قلتلى اروح اسلم على قرايبكم فى الرياض واقولهم
ليو
مرّه مرّه تحبكم
يعنى وايد وايد
(:
lawyer
لا تقول ان الّليالى فرقتنا
لا تقول ظروفنا عيّت علينا
الّليالى يوم ودّك جمّعتنا
يوم ودّك كل شيّ فى يدينا
* * *
يوم هملنا الّليالى همّلتنا
كيف تعطينا وحنّا ما عطينا
(:
الله يسلمك
كويتى رحال
اكيد ما راح تصدقنى نعم كنت فى ضيافت خالد الفيصل
(:
By qalm-jaf, at 6:04 PM
اخيييييرا رجعت من جد قلت انمسك هنا وقلبوا مخه وصار ارهابي
بس الحمدلله على السلامه
شكلك مسير على عسير عند خالد الفيصل
:P
عساك انبسطت بهالحر والجو الشين
طيب ليش ما عزمتني اجي اشوف الكويت
ومشكور والله على هالابيات
By ii, at 6:46 PM
نوره
الله يسلمك من كل شر
لا الحمدالله ما صرت ارهابى مع ان الشباب ما عنده غير السياسه وحش فى الامراء
بس يوم سمعت تحذير السفاره الامريكيه فى الرياض قلت ياولد مافى طلعه
الشباب يقولولى امش نطلع الفيصليه او المملكه قلت والله قعدت الدوانيه حلوه مابى اروح برا
(:
وبالنسبه للحر المكيف والله ما تلحق تبرت
وبالنسبه للكويت حياك الله باى وقت بس انصحك تجين فى الشتاء يعنى شهر يناير وفبراير
الشتاء عندنا غير
والعفو تستاهلين كل خير
(:
By qalm-jaf, at 7:15 PM
enter-q8
سامحنى نسيت احطك فى البوست او سقط سهوا
(:
لك حق تزعل ثم لك حق نرضيك
ما اقوى زعل حبيب قلبى وعينى
(:
By qalm-jaf, at 7:31 PM
اهم شي رجوعك للمدونه العزيزه بعد طول غياب :)
كيف الرياض حر ؟؟!
والله ترحيب غريب , شعر :)
شكرا لك اخي الكريم
ياوش بقى باعطيك منّى ولا جاك
ما باقى الا روحى أحيا بها لك
ماني فاهمه صح :(
انت مهجن ؟؟
:)
By Slim Thug, at 7:55 PM
هلا قلم
انور البلوق بك واظلمت الرياض
بشر شلون اهلنا هناك
الظاهر جازت لك القعده عندهم
علمني متى بترجع ابيك تجيب لي معك اكياس من هواء الرياض حاسه بالاختناق بعيد عنها
عوداً حميداً خيو
:)
By بسمه, at 8:34 PM
slim thug
الرياض كويسه
العفو
انا مهجن @@؟؟؟
شكرا
هذا من قصايد الامير خالد الفيصل
وانا اسألك خالد الفيصل مهجن
انت ادى
(:
By qalm-jaf, at 11:11 PM
حنين المساء
الله يسلمك وانتى بعد الحمدالله على السلامه
(:
البلوق منور فى حنين المساء والرياض منوره بأهلها
بس فى جزء من طريق خريص مافى لمبات
(:
كلهم طيبين وسلامتك من الاختناق
ليش انتى خارج المملكه؟؟
والله ياحنين المساء اللى حسيته من الشباب عندهم مشاكل كثيره
والله يعين الجميع
(:
By qalm-jaf, at 11:28 PM
الحمدلله على السلامة :)
By Ra-1, at 11:33 PM
مدى
اكيد آخر سفره
اقولك ليش
ياقرب لندن واشنطن وباريس
هذفت عصى للّي رصيده ملايين
(:
انا والله افتقدكم
(:
By qalm-jaf, at 11:35 PM
ra-1
الله يسلمك
تدرين اول شى رحتله اول ما وصلت الكويت
وجبه محترمه من بورجر كنج
(:
على فكره الصوره حلوه بس اخاف انا السبب فى تغيير الصوره القديمه
(:
By qalm-jaf, at 11:40 PM
لا مو انته السبب :p
بس طافتك أحداث
My dog died :(
By Ra-1, at 12:15 AM
قلم
معليش ماني داري والله , الكلمات لما كنت اقرا ماني حاس تركيبتها جايه صح !
بس عادي يا رجل ما صار شي , شكرا لك على الشعر
وخير عوده مجددا ان شا الله
:)
By Slim Thug, at 1:33 AM
ra-1
شدى حيلك
عسى مو حادث سياره او من الشمس
يمكن
):
على فكره مو مجامله
انتى باين علج طيبه وقلبك كبير
By qalm-jaf, at 1:53 AM
slim-thug
كأنى وهقتك
(:
عادى عزيزى تمون
وعزيز وغالى
(:
By qalm-jaf, at 2:00 AM
الله يسلمك :)
مات مقتول رامينه !
By Ra-1, at 3:23 AM
ra-1
من يرحم من فى الارض يرحمه ما فى السماء
على ما اعتقد هذا حديث قدسى
يعنى ارحم كل شى فى الارض انسان او حيوان او نبات الله يرحمك
بس للاسف ربعنا يتسلون فى قتل الحيوانات
والله حرام
فى روايه سامعها من د طارق سويدان
ان فى عاهره من بنى اسرائل سقت كلت عطشان ورحمته الله غفر لها كل ذنوبها وادخلها الجنه
بس هم للأسف ربعنا يتسلون فى قتل الحيوانات
ما عندى شى اقدر اقوله بعد
أسف اذا ضيقت خلقك وذكرتك
By qalm-jaf, at 3:51 AM
كلامك صحيح
HERE
By Ra-1, at 5:46 AM
qalm-jaf
i forgot to say thank you for the sweet words ;-p
By Mother Courage, at 12:28 PM
واصل خريص ماشاء الله عليك
كان اجل نزلت تتقهوا عندنا
:p
ايه تذكرت الفتره اللي صار فيها خريص مظلم
شكلهم طفوا النور عشانك جيت
By ii, at 1:24 PM
اجل خريص مافيها لمبات
هات اذنك لحد يسمع
":)هي مو خريص بس"
انا بجده بس ماكنا بالسعوديه بعيد عنك
اعد الأيام متى ارجع
وعن الشباب خلهم يلعبون كوره ومنصور البلوي ينتظرهم ياسر القحطاني وش فيه زود يندفع فيه خمسين مليون
By بسمه, at 8:22 PM
mother courage
العفو
(:
نوره
والله عاد انا مدمن قهوه وما اصدق احد يعزمنى وارده بس اهم شى انتى اللى تسوين القهوه مو الخدامه
(:
انا منور الشارع ايه والله على باى بس الكويتين اهل عياره طلع فيه غيرهم
(:
اجل اسمعى هذى
والله عاد كنت بجيبلك هديه اغلب الربع يشتغلون فى الفيصليه والمملكه
قلت احطها عندهم وفى اى وقت تاخذينها
بس خفت من الهيئه تلشطنى بالخيزرانه
وخليتها للسفره القادمه اجيبلك هديه
(:
حنين المساء
انشالله ترجعين بالسلامه مع سلاح العلم
اما سالفت القحطانى الربع اللى فى الرياض مشكلتهم هوايتهم تطعيس وتقحيص
هههههههه
الحين تحسفو ما لعبو كوره
ياأختى حنين
خليها بالقلب تجرج ولا تطلع وتفضح
By qalm-jaf, at 12:57 AM
مريت على المطعم اللي كتبت عنه والا لا؟
وترا لازم عاد الهديه
ما راح انساها
:P
By ii, at 4:30 AM
حمــــد الله ع الســــلامه
أكيــــــد نورت الكويت برجعتك
تسلم ع الأبيات لو أني يوم قريتهن دمعت عيني
بـ صراحه أخجلتني
مشكــــور qalm-jaf
By malak dubai, at 7:58 AM
حمدالله عالسلامه
وبشر شنو الصوغه :p
By Q8Lioness, at 11:34 AM
نوره
لا والله المطعم مارحتله بس علمت الشباب فى الرياض وعرفوا مكانه واحد عصب وقام يسب ويلعن ام الثانى قال عادى مافيها شى
اما بخصوص الهديه انشالله فى الشتاء يمكن راح اروح الرياض عند الشباب واجيب الهديه بس اهم شى لا تنسين القهوا
ومثل ما يقول خلف بن هذال العتيبى
سولى الكيف ورهولى من الدله
البن الاشقر يداوى الراس فنجاله
(:
By qalm-jaf, at 4:16 PM
ملاك دبى
الله يسلمك
لا ما اتفقنا على جذى ترا دمعتك غاليه علينا
الله يوفقج ويطول عمر الوالده ويشفيها
تستاهلين كل خير
أختى ملاك دبي
(:
By qalm-jaf, at 4:26 PM
wild-mare
الله يسلمك
اى والله غيرنا الجو شويه
تستاهلين كل خير
(:
By qalm-jaf, at 4:30 PM
q8lioness
الله يسلمك
الصوغه
امممممممممممم
كل شى موجود بس آمرى
(:
By qalm-jaf, at 5:24 PM
الحمدلله على السلامه اخوي سامحني على التأخير ومشكور على هلأبيات الجميله اخجلتني وخليتني شاعر مره وحده وهذا شي انا افتخر فيه لأنه من قلمك
تحياتي وعساك على القوه :)
By فارس هوى الكويت, at 2:22 PM
امان ياكويت
الله يسلمك ويطول عمرك
وانا بعد ما احب اجامل
انت مميز فى كتاباتك وردودك
حتى فى لك تميز فى بالبدايه البسمله ثم السلام وفى النهايه كلمه حلوه ونك احلى امان ياكويت ثم تختم بالسلام
احى فيك وطنيتك
وصح اللسانك انت وحنان على القصيده الجميله شكرا من القلب الى القلب
(:
By qalm-jaf, at 8:25 PM
فارس هوى الكويت
الله يسلمك
تستاهل كل خير
شكرا
By qalm-jaf, at 8:27 PM
ههههههههههههه
والله انا قديمة
خبري فيك سافرت بس مادري متى رديت
ما سمعنا طق الباب وانت داش
على العموم حمدالله عالسلامة
ومنور الديرة
ومشكوور عالاهداء *^____^*
By نون النساء, at 1:40 AM
فيلجا
الله يسلمك وتستاهلين كل خير
(:
By qalm-jaf, at 5:36 AM
qalam !
a7rajtni
waaay ayanin o ana mista7ya
9ij ena eleshi3ir feeh badliya qeer maq9ooda , bas ham THANKS
By Eb9ara7a and his Wife, at 3:34 AM
Keep up the good work http://www.ice-cream-maker-machines-9.info Construction surveillance technicians Z-tune nissan skyline video lesbo gratis http://www.nexium-8.info antidepressants Buy kenneth cole cowhide backpacks http://www.zithromax-1.info Green+card+visa Accept account card high risk credit merchant online patagonia primo jacket web site design http://www.word-games-8.info Busty milfs sample clips Dmrec a - hcpcs code a9282 medicare reimbursement Replacement blood pressure cuff for omron 234
By Anonymous, at 2:43 AM
Post a Comment
<< Home