qalm-jaf

Saturday, November 26, 2005

نحن شعوب.... سبحان الله

نحن شعوب سبحان الله
لاتستغربون العنوان نحن نكتب على ورقه بيضاء بخط ايدينا ونبعثه بجهاز الفاكس الى دوله تبعد آلاف الكيلومترات عنا
ثم يأتى الرد فنقول
سبحان الله

نحن نركب الطائر ثم ننام فى العسل ونشخر وبعد ساعات نصل الى الدوله اللتى نريدها
فنقول
سبحان الله

نحن نبعث رساله من الهاتف المحمول الى دولتنا او الى اى شخص فى العالم وبعد ان يأتى الرد من الطرف الآخر نقول
سبحان الله

نحن ننظر الى البوم الصورالقديم للعائله وبعد ابتسامه سخيفه بسبب عمر الصوره الطويل نقول
سبحان الله

نحن شعوب ننظر الى التلفاز برنامج او مبارة او الصلاة فى مكه المكره على الهواء مباشرتا ثم نقول
سبحان الله

نحن شعوب لدينا ايميلات وبعد الارسال والاستقبال نقول
سبحان الله

صديقنا طائر بلا وطن يشترى كتاب من اميركا (أحب كلمة اميركا بصوت ابو متعب)؟
فى دوانيتي ويدفع المبلغ عن طريق النت ويصل الكتاب بعد اسبوع او كثر
وأنا اقول
سبحان الله

نحن شعوب لا تعرف ان تصنع اى شي فقط تأكل وتشرب و


نحن شعوب لا تستحق الجنه في نظرى
وآنا بعد وياكم


نحن شعوب سبحان الله


posted by qalm-jaf at 5:25 AM

22 Comments:

  • ه>ا البوست اللي وعدتني فيه!!!

    على العموم .. حنا شعوب سبحان الله واستغفر الله بعد

    قلم جاف ينفع افضفض بمدونتك
    البلوقات كلهاااا مقفله ومحجوبه ولا اقدر ادخل عليها
    الا بطرق غير شرعيه
    طيب ليش!!!

    ثانيا اكره اللي يرمي كلام وهو ما يحس بالقنابل اللي تطلع منه
    ليش ما يفكرون قبل!!

    اكره الاناني اللي يحب يشوف نفسه الكل بالكل ويتبع اي طريقه عشان يوصل لمبتغاه

    بس قلي .. ه>ا هو البوست والا لا

    ******
    ملاحظه .. الكيبورد مخرفه وفيه حرف ما تطلعه خير شر ما ادري وش بينهم من عداوه
    معليش!!

    By Blogger ii, at 5:48 AM  

  • نوره
    كتبت العنوان ومن الحره نسيت وطقيت انتر
    (:
    أخذي راحتك يالبنت

    وانا بعد اكره اللى يرمى الكلام ومايحس بالقنابل اللى تطلع منه
    بس يكون هذا الشخص له معزه واحترام فى قلبى
    يعنى لو ما اعزه مااشره عليه


    انا ما اكره الانانى كيفه
    اكره الكذاب لان الانانى ماراح يضرنى بس
    الكذاب اكيد بضرنى
    نوره
    تسمحيلى بعد افضفض
    (:

    By Blogger qalm-jaf, at 6:05 AM  

  • بالعكس الاناني يضرك بحبه لنفسه
    يعني كل شي يبيه له
    وتصرفاته تدل على شخص ما عنده احترام للغير
    انا وبس!!!

    فيه اكثر من ك>ا!!
    الك>اب .. ما يضر الا ا>ا كان مهم عندي
    وكل كلمه تطلع منه تهمني
    غير ك>ا ياكثرهم اللي يك>بون ان كانوا لأع>ار او ظروف او كان من دون سبب

    صارت السالفه فضفضه :P

    *****
    احلى شي شكل > بالرد
    طالع حلو:P

    By Blogger ii, at 6:16 AM  

  • وانا اقول ليش حاجبين بلوقك

    اثرك جايب طاري ابو متعب

    لوووووول
    حسبي الله عليك
    من جد مت ضحك
    بس للامانه ما عمري سمعته يقولها

    By Blogger ii, at 6:19 AM  

  • نوره
    مافهمت شي كله
    ك
    >
    <
    لك
    <
    >

    اخاف هذى لغه قصيميه واندثرت
    (:

    كلش ولا ابو متعب ازعل عليج
    بعد احداث 11 سبتمبر
    قالها
    50
    مره باللقاء
    احب والله لانه على نياته وبسيط جدا
    (:

    By Blogger qalm-jaf, at 6:35 AM  

  • لا وشو ما فهمت !!
    وش دعوه وانا اللي حاسبتك واحد منا وفينا :P

    صدمتني !!

    المهم الحركه > يعني الحرف اللي بعد الدال عرفته
    :P

    By Blogger ii, at 6:38 AM  

  • صار معلوم

    بس الاهم يكون انسان عزيز
    علشان جذى نزعل او نشره عليه
    وانا بعد ما احب الاناني
    بس اشلون احكم عليه
    على اى اساس
    اقول ان فلان انانى الموقف يعنى

    By Blogger qalm-jaf, at 6:58 AM  

  • والله مدري .. بس كالعاده انت فاهمني

    By Blogger ii, at 7:02 AM  

  • لانستحق الجنة؟؟؟؟
    صح

    لانعرف ان نصنع اي شي سوى الاكل والشرب ؟
    بالضبط والنوم والتحلطم وهي سمة اساسية عندنا

    By Blogger chatterbox, at 9:08 AM  

  • خخخخخ


    احنا شعووووب

    ينطبق عليها المثل التالي

    "أكل ومرعى وقلة صنعة" ..!!

    وتربية كروش على الفاضي

    والممتع بالسالفة التفاخر

    الي ودك تسطر الي تسمعة نافخ خشمة

    طراق على علباتة واتقولة

    يالاخو مضيع العوان اهناك محو الامية ..!!

    لاتفكير بالمستقبل كان كل شي ايي حقهم على طبق من فضة ويبادلونها بالابهار

    الله يشافي شعوبنا قوول اميييين

    ولا يصيبهم نشلتة الدياي خخخخخخخخخ

    ^___________^

    By Blogger SILVER RAIN, at 10:31 AM  

  • chatterbox

    اى والله صح ألسانك

    By Blogger qalm-jaf, at 2:11 PM  

  • SILVER RAIN

    طلعتى من ربعنا
    اى والله على علباه
    طاخ
    وبالخيزرانه وماى وملح
    وين اللى يعورك
    ورفس فى البطن
    لالالالا
    احس انى صرت جندى بعثى
    الله يسامج
    (:
    احسن شى نموتهم من الضحك يعنى ندغدغهم الين تطق بطنه ويفطس
    او
    نموتهم فى التقريس نقرصهم
    والمتان البطه
    نعطيه عطله طول السنه
    بس شهر
    7
    8
    9
    فى الشمس
    اما الكويتيه
    نعطيها ميك اب تايوانى مو ماركه او ماركه ايام السبعينات
    ايام الافلام المصريه
    الاحمر والاخضر
    والتلفون مافيه رصيد ومافيه بلوتوث
    (:
    اما الشباب كل واحد يسوق سياره كولت مستوبيشى وملابسه معفسه
    وين اللى يبى يقز
    بالطريقه هذى اذا ماصنعو شى
    محد راح يقز ويغازل
    الله يسامحك
    احس انى صرت مجنون رسمى
    (:

    By Blogger qalm-jaf, at 2:23 PM  

  • و نسيت تذكر ان احنا شعوب تحب تصرف بالهبببببببببل و تعال و شوف بنفسك لندن فريج نايتس بريج العامر و محل هارودز و هارفي نيكلز (و انا بكل صراحة اعترف في الاسبوع اروح انزل نايتس بريج ثلاث او اربع مرات علشان ما اسوي نفسي مثالي) الله يخليهم ذخر للتسوق و المتسوقين و بعد نحب الحش و العقرة و الحسد و ما يملي عيونا شي :)

    By Blogger متفرغ, at 2:38 PM  

  • مادري اعلق على ايش و لا ايش و لا ايش
    :
    :
    بس احيانا يكون الصمت ابلغ
    :
    :
    تصبح على خير حبيبي

    By Blogger طائر بلا وطن, at 2:40 PM  

  • مشكلتنا هذره زايده

    بس فالحين بالكلام..:)


    بس هم اقولك احنا شعوب
    مسلمه نستحق الجنه..:)

    يعطيك العافيه...:)

    By Blogger الاء سعود المجيبل, at 7:18 PM  

  • تصدق .. مادري ليش تذكرت صديق بو عذاب

    الله يسامحك .. الولد الكول خابره

    لووووووووووووووووووووووووول

    أيام هو و صديقة الجمجمة .. والله الدوانية كانت تلم حسبي الله عليك و على باش السبيت بو عذاب اللي كان يجمعهم

    سلام سلام سلام:)

    By Blogger طائر بلا وطن, at 1:48 AM  

  • متفرغ

    حتى هناك اذيه
    الله المستعان

    By Blogger qalm-jaf, at 4:06 AM  

  • كويتيه
    احترم وجهة نظرك
    بس شنو اخدمو البشريه المسلمين
    وين اختراعاتهم

    الله المستعان
    نسيت سبحان الله

    By Blogger qalm-jaf, at 4:07 AM  

  • طائر

    ههههههههههه
    شلى ذكرك فيهم خلاص اندثرو

    By Blogger qalm-jaf, at 4:12 AM  

  • قلم جاف....

    لازم يعني اختراعات..!! والا ما نصير شعوب تستحق الجنه الا بالاختراعات يعني..؟؟

    بعطيك مثال عن شخص امثاله وايد بهالزمن...

    الدكتور صلاح الراشد...:)

    وفيه من امثاله وايد واللي قاعدين يحاولون ويجتهدون في تغيير حالنا ...:)


    اشدعوووه عاد طايحين من عينك خخخخخخ <<<< اتغوشمر ترى..

    شكرا...:)

    By Blogger الاء سعود المجيبل, at 5:54 PM  

  • This comment has been removed by a blog administrator.

    By Blogger ii, at 7:32 AM  

  • كوتيه
    والنعم فى الراشد
    احبه بس لو كان وزير التربيه
    تتوقعيين راح يبعد اكثر
    صح

    التغيير من الداخل
    افضل
    يعنى الدوله تشجع وتدعم وتحط مصانع
    اشفيها
    اذا لقينا جهاز الاكتروني
    متكتوب عليه تم التجميع فى الكيت
    مو صناعه تجميع
    فيها شي
    هم مايقدرون

    By Blogger qalm-jaf, at 2:23 PM  

Post a Comment

<< Home