qalm-jaf

Monday, October 17, 2005

أسوء المقاطع

الشاب الاول

مطوع 2005
اى شاب حديث التدين والالتزام بعد ما راى منظر جميل فى التلفاز عن جمال الطبيعه فى الغرب
اصدر الفتوى
الله يعطيهم الجنه فى الدنيا
ويعذبهم فى الاخره
؟؟؟؟؟
الشاب الثانى
اشريطى 2005
زميل فى الدوام ذابحنى يجلس عندى يقول
الله يخليك اطلبلى شاى حليب
ودائما يقول
فى تليفون للببيع
فى سياره للبيع
فى اى شى للبيع
والان صاير محلل سياسى
النفط مرتفع سعره
ليش مايطيحون الديون؟؟؟
صحيح اللى اختشو ماتو
الشاب الثالث
زميل جيد
اطلقت عليه لقب
المستشار
كل شى فاهم وكله يقولى هذا صح وهذا خطا
رافع ضغطى وفى نفس الوقت يكسر خاطرى
وله لقب جميل ايضا
الجيلوجى
الشاب الرابع
انا مااعرفه بس على ذمت واحد من الربع
فى واحد يتحدث فى كل شيء من طب علوم دين حقوق سياسه رياضه بشكل انسان واعى
وفاهم عندما سألت هذا الشخص عن شهادته
اجاب
انا ماعندى شهاده ولا اعرف القراءه والكتابه
استغربت منه وسألته ماهى وظيفتك؟
اجاب
انا حلاق فى الجامعه
(:



والآن اتركم مع صورة ابن صديقي العزيز

24 Comments:

  • حلاق الجامعة عجبني. بس صج في حلاق بالجامعة؟؟؟؟؟؟

    By Blogger chatterbox, at 12:44 AM  

  • مطوع 2005 كلامه صحيح وهذي مو فتوى
    إلي أعرفه إن حديث !
    الدنيا جنة الكافر
    وسجن المؤمن (أو نار المؤمن

    حلوة صورة البيبي ماشالله :)

    By Blogger Ra-1, at 2:07 AM  

  • كويتى رحال
    الجيلوجى زميل جديد فى الدوام
    (:

    انشالله دايمن تضحك

    والله مالومك يالله ابى اهاجر معاك الصمان
    بس لزم نسير على الاخت نوره ناخذ الخريطه علشان مانضيع
    (:
    ونفتح محلى ستار دله راح نطلع ذهب
    (:
    يابو قهوه الموجا
    والله لاخلى الشايع يفلس
    (:

    By Blogger qalm-jaf, at 5:46 PM  

  • chatterbox
    لا فى حلاق يفتح بدرى الصبح
    والطلبه يحلقون عنده الساعه 7
    علشان جذى يسمونه حلاق الجامعه اغلب زباينه طلبة الجامعه


    سعيد بزيارتك لاتقاطع قلبى
    (:

    By Blogger qalm-jaf, at 5:51 PM  

  • ra
    يعنى افهم من كلامك ان المسلم والمسلمه دايمن امكشرين ومتعذبين فى الدنيا
    ليش

    يعنى مافى مسلم سعيد فى الدنيا

    اما بالنسبه للغرب
    اللى اعرفه
    ان فى مسلمين ومسيحيين ويهود راح يدخلون الجنه
    يعنى
    الجنه والنار
    موضوع بيد الله سبحانه وتعاله

    اما الصوره
    عيونك اللى أحلى

    سعيد بزيارتك
    (:

    By Blogger qalm-jaf, at 5:56 PM  

  • qalam jaf:

    الشباب الاول مطوع 2005

    هناك ثلاث حقائق اسلامية أساسية لازم تعرفها علشان تحكم عليه

    قال صلى الله عليه وسلم
    الدنيا سجن المؤمن وجنة الكافر
    رواه مسلم

    يعني كلام الشاب الاول مو من عنده ، هو كلام الرسول عليه الصلاة والسلام


    الحقيقة الثانية

    يقول الرسول عليه الصلاة و السلام في صحيح مسلم

    والذي نفسي بيده لا يسمع بي أحد من هذه الأمة يهودي ولا نصراني ثم يموت ولم يؤمن بالذي أرسلت به إلا كان من
    أهل النار

    ويقول الله سبحانه وتعالى في سورة آل عمران
    ومن يبتغ غير الإسلام دينا فلن يقبل منه وهو في الآخرة من الخاسرين

    يعني من بعد بعثة النبي محمد صلى الله عليه وسلم لا يدخل الجنة الا المسلمين المؤمنين الموحدين ، مهما كان عمل المشركين او الكفار صالحا في الدنيا ومهما تعبدوا ربهم ماداموا يعبدون على الشرك ، وهالكلام مو من عندي .. واضح جدا في الحديث والآية

    وإلا شحقه بعث الله نبيه محمد ؟ وليش نصير مسلمين ؟ عيل نقلب نصارى او يهود ونتعبد ربنا مرة بالاسبوع بالكنيسة ولا صلاة ولا صيام وندش الجنة ...
    عموما هذا مو رأيي ولا من علوم الغيب بحيث تقول ما نقدر نحكم ونقول .. هذا اساس عقائدي لازم نعرفه ونؤمن فيه ، مثل ما احنا نؤمن ان فيه يوم قيامة وبعث و ان هناك ابواب للجنة ..هي ليست من علوم الغيب لأن الله تعالى اطلعنا عليها

    By Blogger Expatriate, at 8:56 PM  

  • Qalm Jaf ...
    انته فاهم الحديث غلط :)
    هذا الحديث ايبين لنا إن الكافر هذي جنته الدنيا لأنه بالآخرة بيكون بالنار إلا من رحم الله
    وبذلك اتشوف عندهم جمال الطبيعة والجو وغيرها
    وهذا إلي اقصده صاحبك لماشاف التلفزيون
    بس هذا مو معناته انعبس وما نستانس
    بالعكس :D
    ولكن المقصود بسجن المؤمن
    إن احنا محرومين من شغلات حلوة
    ولكنها حرام علينا بالدنيا وراح تكون كلها حلال بالجنة إن شاء الله

    By Blogger Ra-1, at 12:54 AM  

  • اقولك
    اذا جيت تكتب بوست جديد
    طق اعلان عشان نعرف

    المهم ترا يقولون الحش برمضان تزيد حرمته
    :)

    احسنهم والله حلاق الجامعه
    مين يحصل اليوم هالمجال وهالثقافه بناس الايام هذي

    بعدين انت لو تقعد تفكر شوي بتعرف انه الدنيا جنه للكافر
    بس لو بنحصرها على خضار وطبيعه كان ما صارت ماليزيا وهي ام الخضار مع تركيا طبعا فيها ناس مسلمين
    يعني شلون؟؟ هذي بالنسبه لنا جنه وبالنسبه لهم حياتهم الطبيعيه اللي يشوفون فيها تطور الغرب ويقولون نفس كلامنا
    الدنيا جنه الكافر

    يوووه احس انس حست الدنيا .. فهمت علي او لا؟؟

    على فكرا انا ضد التهجم على المطاوعه.. لان الناس تعتبرهم ملائكه او تكون العيون عليهم يعني يصلي ويسمي بس لو يغلط غلطه صغينونه نسوا كل اللي كان يسويه قبل
    هذا طبعا بغض النظر عن الكلام اللي انت قلته


    ***
    ترا الخريطه زاهبه
    والله لا اوصلكم للربع الخالي
    :))
    عارفه عارفه انكم بتتذكروني بالخير
    بس لزوم القهوه ما نقبل الا قهوجيين عقلهم مايله
    عشان يجذبون الزباين

    By Blogger ii, at 3:33 AM  

  • انا ابعث تحياتي الحارة حق البيبي الحلو اللي انته حاطه:))
    مشالله اينن
    وعقبال ما تحط لنا صور ولدك قول امين
    :))

    وبالنسبه حق الموضوع:
    هذي الدنيا تشوف فيها نماين عجيبة وغريبه وافكار ومعتقدات ماشيه عليها الناس...خذ اللي تبي وخل اللي ما تبي
    :)

    By Blogger esTeKaNa, at 4:17 AM  

  • شباب بنات
    اخونا
    كويتى رحال
    المدونه مالته مصخنه اى مريضه
    اللى يعرف يضبطها جزالله خير

    الخلل
    اى واد يعلق ما يطلع؟؟؟؟

    By Blogger qalm-jaf, at 5:47 AM  

  • هههههههههه

    قلم يا كثرهم بالديرة

    تكفى دش اي ديوانية واسال كأنك ما تدري منو اللي راح يكون بالتشكيله الوزارية الجاية ومنو ينشال

    طبعا انت اللحين ما قلت منو ولي العهد ولا منو رئيس مجلس الوزراء خلي بالك

    وتعال شوف التحاليل

    By Blogger enter-q8, at 12:47 PM  

  • expatriate
    ra

    جزاكم الله خير
    بس مايصير اشوف منظر جميل فى الغرب على طول اقول جهنم وبئس المصير
    نعم الاسلام دين الحق
    بس يعنى مافى يهود ومسيح يدشون الجنه
    مايصير
    والله اعلم
    اللى اخترع الادويه والاجهزه وساهم فى رفاهية المسلم
    يعنى فى مسجد من غير مكيف ومكبر الصوت
    يعنى يصير اروح الحج على بعير حاليا
    اللى اخترع الطياره والسياره
    وووووووووووووووو
    ماسعدو البشريه
    على الحياه بشكل افضل
    وين المسلمين
    ؟؟؟؟؟؟؟؟؟؟؟؟؟؟؟؟
    الله ارحم الراحمين
    نزل فى الارض رحمه واحد
    وجعل 99
    رحمه الى يوم القيامه؟؟؟؟
    احمد الله مليون مره
    انى مسلم وافتخر فيها
    بس
    خجول جدا بانى مسلم ما اعطيت شيء للبشريه
    والعالم

    احترم وجهة نظركم واحبكم بالله
    وسامحونى اذا طولت

    By Blogger qalm-jaf, at 7:46 PM  

  • Expatriate

    الله يعطيك الغافيه
    ما بعد كلامك كلام
    جزاك الله خير

    ما ادري ما سمعوا بالايه
    (ان الله لا يغفر ان يشرك به و يغفر ما دون ذلك لمن يشاء)

    قلم

    فعلا حلاق الجامعه ممكن يكون مثقف اكثر من دكتور الجامعه
    تشرتشل كان اسوء تلميذ و مع ذلك اخذ جائزة نوبل عن الادب

    By Blogger @z3nF, at 7:48 PM  

  • نوره
    انشالله راح اطق اعلان عند مدونة كويتى رحال على الدوار
    (:

    نوره مايصير كل من حطله لحيه وقصر دشداشته اى ثوبه نقول عنه مطوع
    ونمجده ونخليه قس او مطران
    مافى شى فى الاسلام اسمه رجل دين
    كل مسلم يجب ان يكون متدين وعلى خلق عالى
    وابسط دليل
    حلقة طاش ما طاش
    عن اللحيه

    قولى امين
    انشالله تاخذين واحد مطوع
    بس سمح
    (:
    تحياتى للمملكه
    وسلميلى على بو متعب

    By Blogger qalm-jaf, at 8:00 PM  

  • استكانه
    هلا والله بختي

    والله انت دبلوماسيه وراقيه
    انشالله اشوف وراعيينج اول
    اى كتاكيتج
    قولى امين
    نسيت اقول
    حق نفسي
    آميييييييييييييييييين
    (:

    By Blogger qalm-jaf, at 8:03 PM  

  • حاكى عقالى
    هههههههههههههه
    اى والله صاج
    يامعود انا فى الدوانيه تهاوشو مجموعه مع السالم ونص مع صباح
    ولا احد فيهم درا عنهم
    ربعنا صكو على الجزيره والعربيه
    فى التحليل
    سعيد بزياتك
    ياعسل
    (:

    By Blogger qalm-jaf, at 8:09 PM  

  • happy

    هلا والله


    سعيد باختيارك
    (:

    By Blogger qalm-jaf, at 8:12 PM  

  • اتزعنف

    الله يسامحك

    كفرتينى مشكوره


    اما بالنسبه للحلاق
    ربما

    سعيد بزيارتك
    واحترم وجهة نظرك
    (:

    By Blogger qalm-jaf, at 8:22 PM  

  • qalam-jaf

    الله يهديك .. محد ياب طاري الكفر ..

    كل اللي قاعدين نحاول نوصله لك انه في أساس وقاعدة من قواعد الاسلام غايب عنك ولازم تعرفه مو علشان تحكم على الشاب الاول صح ( مطو 2005 ) بس ، ولكن علشان تعرف دينك أكثر .. تعرف شنو الإسلام وليش بعث الله محمد عليه الصلاة والسلام ، هذا مو رأينا .. هذا دينك ... نصيحة لوجه الله .. حاول تتعرف اكثر على عقيدة الإسلام .. وتعرف بالظبط شنو الدين اللي قاعدين احنا كلنا نؤمن فيه
    عندك الانترنت .. دش .. اقرى احاديث صحيح مسلم والبخاري .. افتح القرآن اقرى .. اقرى التفاسير .. شوف بالظبط احنا شنو اللي نؤمن فيه .. شوف شنو الفرق بين الإسلام والنصرانية واليهودية
    سورة الفاتحة .. اللي نقراها في الصلاة باليوم خمس مرات .. نقرى
    اهدنا الصراط المستقيم ، صراط الذين انعمت عليهم ، غير المغضوب عليهم ولا الضالين

    المغضوب عليهم هم اليهود
    والضالين هم النصارى

    هذا الدعاء اللي تدعوه من خلال قراءتك لسورة الفاتحة كل يوم

    لا تفهمني غلط ، بس انا ظايق خلقي ان في اساسيات وايد بالدين غايبه عني وعنك وعن كثير من المسلمين
    لا نحكم على شي بالدين أو بالاديان من عقلنا ومخنا واهواءنا ومنطقنا ... ويصير وما يصير .. لأ لأ لأ .. لازم نعرف شنو دينا في الأول وشنو راي عقيدتنا في شتى مواضيع الدنيا والآخرة

    By Blogger Expatriate, at 8:51 PM  

  • ex
    جزاك الله خير
    والله انى مقصر بالدين وما اعرف اشياء كثيره
    بس ادرى انك افهم منى من خلال
    التعليقلت
    فى المدونات الاخوه واشوف فيك
    الموازنه وفى كلامات كثيره منك تذكرنى فى الدكتور
    اللى احبه واجد
    السويدان
    بس لازم هم نبين الايات اللى فيها رحمه
    للعالم وفى ايه تمدح بعض المسيح
    ووو
    بس اقول
    مافيها شي نبينها ونؤمن فيها
    مثل ما نؤمن فى الفاتحه
    ومشكر وجزاك الله خير
    الشىء
    اللى يضايقنى
    ان يطلع شخص مطوع فى شكله
    ويفتى حتى لو كانت صحيحه
    بس واجد ناس
    كان هدفهم نصرت الاسلام
    بس للاسف آساؤا للاسلام
    اكثر ماعطوه

    جزاك الله خير
    واسف اذا ضايقتك

    By Blogger qalm-jaf, at 10:09 PM  

  • تصدق كنت حاسه انك فيه شي بتفهمه غلط قبل ما اعلق

    ما فيه بكلامي اي تكفير لك
    (و الا يعني انك وهابيه)
    انت قلت ان النصارى و اليهود يمكن يدخلون الجنه
    و رديت عليك بايه

    By Blogger @z3nF, at 7:06 PM  

  • وش دخل الوهابيه بالموضوع؟؟

    ***
    ياويلي منها بتذبحني
    !!!

    By Blogger ii, at 8:15 PM  

  • نسخه
    --------------------------------------------------------------------------------

    يالله يـا جـال الأمـور المهمـة " " تجلى وهق قلب برى حال راعيه
    البر دجته و البحر رحـت يمّـه " " أدرج سبب حظ على الله مساعيه
    يوم إن ولد اللاش رزقه على أمه " " رزقي على اللي ميّت القشع يحييه
    مانـي وانـا بنـدر ببيـاع دمـه " " يقطعك يا بيّـاع دمّـه و مهفيـه
    اللـي يبيّـع لابسـات الأزمــه " " ثور يبي بيض العماهيـج تغنيـه
    يزعل ليا جت ليلة الـدول يمّـه " " يرضى بسوق المال بأخيه و أبيه
    خطو البخيل اللـي يكبّـر معمـه " " يقرا الكتاب و واجب الله مخليـه
    أما هرج لـه فـي رفيقـه بنمّـه " " والا عطا و أمه تضيّـع هقاويـه
    يا مل قلب كل مـا مـات همّـه " " دارت دواليب الدهر ليـن تحييـه
    فرّاق شمـل النـاس عيّـا يلمـه " " وقتن يشيب الراس من شاية فيـه
    أحدن ينام و حـط راسـه بكمـه " " و أحد تخم النوم عينه و تخطيـه
    و أحدن يحاول بالردى بنت عمـه " " و أحدن يحاول ستر عذرا عوانيه
    تخالف الأنظـار شرقـن و يمّـه " " كلٍ هدف رايه من الناس مرضيه
    أنشدك ياللـي كـل شـي تتمـه " " تقرا الكتاب كل فـرض تصليّـه
    ويش القليب اللي عميـق مجمّـه " " ما سرّ غرسه ماه عطشى سوانيه
    سم السبب يا عارفن عنـه سمـه " " سم السبب يا عارفه قبـل اسميـه

    By Blogger qalm-jaf, at 9:06 PM  

  • By Anonymous Anonymous, at 8:46 PM  

Post a Comment

<< Home